Qazaqstan Respýblıkasy Bilim jáne ǵylym mınıstrliginiń buıryǵy №280

2011 jylǵy 1 shilde,   Astana qalasy Bilim jáne (nemese) biliktilik týraly memlekettik úlgidegi qujattardyń blankilerine tapsyrys berýdi uıymdastyrý jáne olarmen bilim berý uıymdaryn qamtamasyz etý, olardyń paıdalanylýyn baqylaýdy júzege asyrý jónindegi nusqaýlyqty bekitý týraly «Bilim týraly» Qazaqstan Respýblıkasy Zańynyń 5-babynyń 22) tarmaqshasyn iske asyrý maqsatynda buıyramyn: 1. Bilim jáne (nemese) biliktilik týraly memlekettik úlgidegi qujattardyń blankilerine tapsyrys berýdi uıymdastyrý jáne olardy bilim uıymdaryn qamtamasyz etý, olardyń paıdalanýdy baqylaýǵa júzege asyrý jónindegi nusqaýlyq bekitilsin. 2. Mektepke deıingi jáne orta bilim (B.S.Kárimjanov), tehnıkalyq jáne kásiptik bilim (Q.Q.Bó­­ribekov), joǵary jáne joǵary oqý ornynan keıingi bilim (S.M.О́mirbekov) departamentteri osy buı­ryqty joǵary jáne joǵary oqý ornynan keıingi bilim berýdiń kásiptik oqý baǵdarlamalaryn iske asy­ratyn bilim berý uıymdarynyń, vedomstvolyq baǵynysty bilim berý uıymdarynyń nazaryna jetkizsin. 3. Joǵary jáne joǵary oqý ornynan keıingi bilim departamenti (S.M.О́mirbaev): 1) osy buıryqtyń belgilengen tártippen Qazaqstan Respýblıkasy Ádilet mınıstrliginde memlekettik tirkelýin qamtamasyz etsin; 2) memlekettik tirkeýden ótkennen keıin osy buıryqty buqaralyq aqparat quraldarynda jarııalasyn. 4. Osy buıryqtyń oryndalýyn baqylaý vıse-mınıstr M.K.Orynhanovqa júktelsin. 5. Osy buıryq alǵash ret resmı jarııalanǵannan kúninen bastap qoldanysqa engiziledi. Mınıstrdiń mindetin atqarýshy          S.YRSALIEV. Qazaqstan Respýblıkasy Bilim jáne ǵylym mınıstri mindetin atqarýshynyń 2011 jylǵy 1 shildedegi №280 buıryǵymen bekitilgen Bilim jáne (nemese) biliktilik týraly memlekettik úlgidegi qujattardyń blankilerine tapsyrys berýdi uıymdastyrý jáne olarmen bilim berý uıymdaryn qamtamasyz etý, olardyń paıdalanylýyn baqylaýdy júzege asyrý jónindegi nusqaýlyqty bekitý týraly 1. Osy bilim jáne (nemese) biliktilik týraly memlekettik úlgidegi qujattardyń blankileri (budan ári – blankiler) nusqaýlyqta «Bilim týraly memlekettik úlgidegi qujattardyń túrleri men nysandaryn jáne olardy berý erejesin bekitý týraly» Qazaqstan Respýblıkasy Úkimetiniń 2007 jylǵy 28 jeltoqsandaǵy № 1310 qaýlysy men «Arnaıy qorǵaý dárejesin talap etetin baspa ónimi berýshilerdi tizbesi» Qazaqstan Respýblıkasy Úkimetiniń 2007 jylǵy 11 jeltoqsandaǵy № 1222 qaýlysyna sáıkes beriletin qujattar dep túsindiriledi. 2. Mınıstrlik bilim jáne (nemese) biliktilik týraly memlekettik úlgidegi qujattardyń árbir túri úshin biryńǵaı serııasyn jáne rettik nómirlerin belgileıdi. 3. Blankilerdi daıyndaý tártibi men merzimi, jetkizý jáne qabyldaý, sondaı-aq mindettemelerdi tıisti oryndaý jaýapkershiligi Mınıstrlik pen blank daıyndaýshy arasynda jasalatyn shartta qarastyrylýy qajet. 4. Joǵary jáne joǵary oqý ornynan keıingi bilim berýdiń kásiptik oqý baǵdarlamalaryn iske asyratyn bilim berý uıymdary, vedomstvolyq baǵynysty bilim berý uıymdary (budan ári – bilim berý uıymdary) aǵymdaǵy jylǵy 10 qazannan keshiktirmeı blankilerge qajet mólsherde Mınıstrlikke ótinim beredi. 5. О́tinim eki danadan týrady, bilim berý uıymy basshysynyń qoly qoıylyp, bilim berý uıymynyń mórimen bekitiledi. О́tinimniń bir danasy Mınıstrlikke jiberiledi, ekinshisi bilim berý uıymynda qalady. 6. Mınıstrlik jıyntyq ótinimdi jasaý kezinde aldaǵy jyldyń qajettilikterini kóbeıtý múmkindigin eskeredi jáne blankiniń ár túri boıynsha qajettiliktiń ótinim berilgen sanynan 10 paıyzdyq qoryn qarastyrady. 7. Jıyntyq ótinimniń sońǵy nusqasy Mınıstrliktiń Qarjy jáne ınvestısııalyq jobalar departamentine joldanady. 8. Qarjy jáne ınvestısııalyq jobalar departamenti sany, tıptik úlgileri jáne basqa da málimetter týraly tıisti qujattarymen ótinimdi Qazaqstan Respýblıkasy Ulttyq Bankiniń Banknottyq fabrıkasyna jiberedi jáne bıýdjettik ótinimdi qalyptastyrady. 9. Mınıstrlik Qazaqstan Respýblıkasy Ulttyq Bankiniń Banknottyq fabrıkasymen (budan ári – Banknottyq fabrıka) bilim berý týraly memlekettik úlgidegi qujattardyń túrleri men nysandary­nyń talaptaryna sáıkes jıyntyq tapsyrys kóleminde blankilerdi daıyndaý boıynsha qyzmet kórsetýge arnalǵan shart jasasady. 10. UTO Blankilerdi esepke alý, saqtaý jáne berý mindetteri júktelgen qyzmetkerdi materıaldyq jaýapty tulǵa (budan ári – materıaldyq jaýapty tulǵa) retinde anyqtaıdy. 11. Materıaldyq jaýapty tulǵanyń blankilerdi alýy men berýi senimhat negizinde júrgiziledi. 12. Bilim berý uıymynyń jetekshisi blankilerdi esepke alý, saqtaý jáne berý jumysyn uıymdastyrý men júzege asyrý úshin jaýapty laýazymdyq tulǵany (budan ári – jaýapty laýazymdyq tulǵa) taǵaıyndaý týraly buıryq shyǵarady. 13. Bilim berý uıymdarynda blankilerdi qabyldaýdy, berý men esepten shyǵarýdy, saqtaýdy uıymdastyrýǵa baqylaý júrgizý maqsatynda quramy bes adamnan turatyn bilim berý uıymy basshysynyń buıryǵymen bekitilgen turaqty jumys isteıtin komıssııa qurylady. 14. Materıaldyq-jaýapty tulǵa júkqujat negizinde blankilerdi alýǵa arnalǵan ótinimge sáıkes jaýapty laýazymdyq tulǵalarǵa blankilerdi berýdi júzege asyrady. 15. Blankilerdi tolyǵymen paıdalanyp, jyl boıynda blankilerge qajettilik paıda bolǵan jaǵdaıda bilim berý uıymy blankilerdiń qajetti sanyn kórsetip, Mınıstrlikke suranys jiberedi. 16. Blankiniń berilýi týraly senimhattar, júkqujattar esep qujattary bolyp tabylady jáne materıaldyq jaýapty tulǵada saqtalady. 17. Blankiler paıdalaný kezinde búlingen jaǵdaıda syzylady, «búlingen» degen belgi basylyp, oǵan jaýapty laýazymdyq tulǵa qol qoıady. 18. Kitapsha túrindegi búlingen blankiler nemese jaramsyz blankiler bir-birinen bólek oralyp, «Jaramsyz», «Búlingen» degen belgi jasalyp, jaýapty laýazymdyq tulǵanyń qolymen kýálandy­rylady. 19. Oqý jylynyń sońynda bilim berý uıymynyń jaýapty laýazymdy tulǵalary blankilerdi paıdalaný týraly esebin blankilerdi bergen materıaldyq-jaýapty tulǵaǵa tapsyrady. Paıdalaný týraly esepke búlingen jáne jaramsyz blankiler kóshirmelerimen qosa tirkeledi. 20. Paıdalaný týraly esepke tirkelgen qujattarmen birge (blankiler, túsinikteme hat) saqtaýǵa materıaldyq-jaýapty tulǵaǵa tapsyrylady. 21. Oqý jylynyń aıaqtaǵannan sońyna qabyldaý-tapsyrýdy akt boıynsha qoldanylmaǵan blankter zattyq - jaýapty tulǵalarǵa qaıtarylady. 22. Materıaldyq-jaýapty tulǵa jáne bilim berý uıymdarynyń jaýapty laýazymdy tulǵalary Qazaqstan Respýblıkasynyń qoldanystaǵy zańnamasyna sáıkes tapsyrylǵan blankilerdiń saqta­lýyna jaýapty. 23. Blankiler, merzimi shekteýsiz saqtalýyn qamtamasyz etetin, arnaıy jabdyqtalǵan bólmelerde nemese temir shkaftar, órtenbeıtin seıfterde saqtalady. 24. Blankilerdiń jetispeý faktisi anyqtalǵan jaǵdaıda komıssııa túgendeý ótkizilgen ýaqyty jáne orny; túgendeý ótkizilgen kezinde bolǵan azamattardyń tegi, aty-jóni, qyzmeti; jaýapty qyzmetkerdiń tegi, aty-jóni; jetispeıtin blankilerdiń serııasy men nómirin kórsetip akt jasaıdy. 25. Anyqtalǵan blankilerdiń jetispeý faktisi boıynsha qyzmettik tergeý júrgizilip, kináli qyzmetkerler Qazaqstan Respýblıkasynyń zańnamasyna sáıkes jaýapqa tartylady. 26. Blankilerdiń joǵalǵan jaǵdaılarynda komıssııa sol boıynsha akt jasaıdy, akt pen blankilerdi saqtalýǵa jaýapty qyzmetkerge tapsyrady. 27. Blankilerdi joıý kezinde joıylǵan blankilerdiń nómiri men serııasy; jaýapty laýazymdy tulǵanyń tegi, aty-jóni; joıý kezinde bolǵan azamattardyń tegi, aty-jóni; blankilerdi joıý týraly sheshimniń nómiri jáne qabyldaý kúni kórsetilip akt jasalady. Akt bilim berý basshysymen bekitilip, jaýapty laýazymdy tulǵada saqtalady, joıylǵan blankilerdi esepten alady 28. Blankilerdiń qozǵalysy týraly esep oqý jylynyń sońynda Mınıstrlikke tapsyrylady, bilim uıymdary qol qoıylǵan jetekshimen, onyń joqtyǵyna - ony almastyratyn tulǵamen. Bilim berý uıymdarynyń Mınıstrlikke jiberiletin qaǵaz úlgisindegi esepke bilim berý uıym basshysynyń qoly, ol bolmaǵan kezde onyń mindetin atqarýshynyń qoly qoıylady. 29. Esepte berilgen málimetterdiń dáldiligin baqylaýdy júzege asyrý maqsatynda esepterdiń kóshirmelerin saqtalýyna tıisti jaǵdaı jasalýy kerek. Esepter bólek papkalarda, olardy qurastyrý merzimderi boıynsha saqtalýy tıis. Buıryq Qazaqstan Respýblıkasynyń Ádilet mınıstrliginde 2011 jylǵy 1 tamyzda Normatıvtik quqyqtyq kesimderdi memlekettik tirkeýdiń tizilimine №7094 bolyp engizildi.