Tehnologııalyq damý: ilgerileý men irkilister

Keshe Astanadaǵy «Redısson» qonaqúıinde «Memlekettik basqarýdaǵy ınnovasııalyq tehnologııalar: bolashaq ekonomıkasy jolynda» taqyrybynda IDC konferensııa bolyp ótti. Konferensııaǵa IDC Interna­tio­nal prezıdenti Fılıpp de Marsılıak, IDC CEMA joǵary vıse-prezıdenti jáne atqarýshy dı­rek­tory Stıven Fransen, The Secdev Group kompanııasynyń negizin qalaýshy ári basqarma tór­aǵasy jáne kıber-qaýipsizdik sa­la­syndaǵy másele­ler­di zertteýde álemdik mamandardyń biri bolyp sanalatyn Rafal Rohozınskı qatysty. Shara bastalmas buryn jýrnalısterge arnap baspasóz máslıhaty uı­ym­dastyryldy. Oǵan Qazaqstandyq IT kompanııalar assosıasııasy prezıdenti Nur­lan Isın, «Zerde» ulttyq aqparat­tyq-tehnologııalyq holdıngi ókili Bıkesh Qurman­ǵa­lıeva, IDC International prezıdenti Fılıpp de Marsılıak, IDC-tiń Qazaqstandaǵy ókildiginiń bas­shy­sy Andreı Beklemıshev, «Kas­perskıı labo­ra­torııasynyń» damýshy rynokty elderdegi at­qa­rýshy dırektory Garrı Kondakov jáne basqalar qatysty. Baspasóz máslıhatynda Qazaqstannyń aq­pa­rattyq tehnologııa rynogyn­da­ǵy 2010-2011 jyl­darda qol jetkizgen kórsetkishteri týraly baıandamalar jasaldy. Sondaı-aq memlekettik sektor úshin qolda­ny­latyn tehnologııalar sarap­tamasy jáne álemdik aqparattyq tehnologııalar ry­nogyndaǵy baı­qalymdardyń sholýy jarııa­lan­dy. Kıberkeńistiktegi qaýipsiz­dik máselesi de erekshe ataldy. Kı­ber­qaýipsizdiktiń tendensııalary men onyń saldarlary, zamanaýı kıberkeńistikti qalyptastyratyn qozǵaýshy kúshter taqyryptary da nazardan tys qalmady. IDC aqparattyq tehnologııa ry­nok­taryn zertteıtin halyq­ara­lyq deń­geı­degi táýelsiz agenttik bolyp tabylady. Agenttik uıymdastyrǵan konferensııa ba­ry­synda aqparattyq qaýipsizdik jáne oǵan qoljetimdilik, aqpa­rat­tardy saq­tap-óńdeıtin orta­lyq­tar tıimdiligi, aq­pa­rattardy saqtaý men  bulttyq sheshimder, aqparattyq jeliler men kommýnıkasııalar, memlekettik sek­tor­daǵy aýtsorsıng, qyzmet kór­s­etý­di jaqsartý jáne tehnıkalyq sa­raptamany jetildirý, qujat aı­na­lymyn basqarý, úkimet mobıldiligi basty taqyryptardyń óze­gine aınaldy. Konferensııaǵa Microsoft, Kas­per­skıı laboratorııasy, HP, Checkpoint, VMware, Fujitsu, SmartCom, APC by Schneider-Electric, «1S», SAP jáne Kingston Technology fırmalary qatys­ty. Al elimizdiń Baılanys jáne aq­parat mınıstrligi, Qazaqstannyń ınternet assosıasııasy jáne IT kompanııalar qaýymdastyǵy qol­daý kórsetti. IDC zertteýleri ishinde ózi­miz­di qy­zyqtyrǵan keıbir máli­met­terge toqtala ketsek. Saraptamalar nátıjesinde Qa­zaq­stannyń baspa perıferııasy rynogy 2011 jyldyń alǵashqy jartyjyldy­ǵyn­da keıbir jeke segmentteriniń qys­qarýyn esepke almaǵanda edáýir alǵa jyljyǵan. Al baspa qurylǵylaryn jetkizý kólemi turǵysynan 2010 jyldan 17 %-ǵa, al quny turǵysynan 32%-ǵa ósken. Rynoktyń jalpy ósimi­ne qaramastan quıylmaly tehnologııalar salasynda qatty qul­dy­raý baıqalǵan. Server ryno­gynda barlyq segment boıynsha ósý qarqyny baıqalǵan kóri­nedi. Al ótken jyly derbes kompıýter rynogynda olardy satyp alýda sońǵy bes jyl ishinde eń úl­ken ósim kórsetken. IDC máli­metterine sensek, mundaı kórset­kish daǵdarystyń aldyńǵy jyl­da­rynda da baıqalmaǵan kórinedi. Venera TÚGELBAI.