Mádenıetimiz damymaı, mártebemiz kóterilmeıdi

Baspasóz máslıhatyna Par­lament Senatynyń depýtaty Ja­bal Erǵalıev pen Májilis depýtaty Maıra Aısına qatysty.
«Mádenıetti saqtaýdyń negi­zi mádenıetti saqtaý men ony da­mytýǵa jaǵdaı jasaıtyn ulttyq zań shyǵarýshy bazasy bolyp tabylady. «Bolashaqqa baǵdar: rýhanı jańǵyrý» baǵdarlamalyq maqalasynda Elbasy jańa tıptegi jańǵyrýdyń birinshi shar­ty retinde ulttyq máde­nıet pen ulttyq kodyn saqtaý­dy aıtyp ótti. Búgingi kúnniń ta­laptary men bolmys jaǵdaıy­na sáıkes mádenıet jáne ta­rıhı-mádenı mura salasyn­da­ǵy qoldanystaǵy zańna­ma­ny jetildirý – mádenıet salasyndaǵy memlekettik saıa­sat­ty jemisti júzege asyrýdyń ke­pili», – dedi óz sózinde mınıstr.
Jańa zań jobasyna basta­ma­shy bolǵan Parlament Máji­li­siniń depýtattary bolatyn. Birlesken jumystyń nátıje­sinde ústimizdegi jyldyń 5 mamyr kúni Elbasy Nursultan Nazarbaev «Qazaqstan Respýb­lı­kasynyń keıbir zańna­malyq akti­lerine mádenıet máse­leleri boıynsha ózgerister men tolyq­tyrýlar engizý týraly» Zańyna qol qoıdy. Qujatta teatr óneri, mýzeı jáne baspa isi, Qa­zaq­stan Respýblıkasy Kitap pala­ta­synyń qyzmeti jáne t.b. sala­lardaǵy ózekti problemalardy sheshý kózdelgen. 
Atalǵan zań aıasynda teatr­­lar­­dyń kóptegen jahandyq jáne mańyzdy máseleleri qaras­­tyrylǵan. Máselen, zańshy­ǵa­rý­shylyq deńgeıde alǵash ret 
teatr aldyna qoıylǵan min­det­ter aıqyndalyp, teatraldy qoıy­lym, rejısser-qoıýshy, qoıý­shy ba­let­meıster, qoıýshy sýret­shi sekil­di túsinikterge anyq­tama beril­gen. Odan basqa, jańa zańnama mem­lekettik teatr­lardyń qyzmetimen baılanysty salyq tóleý problemalaryn sheshýdi kózdeıdi.
«Qoldanystaǵy zańnamaǵa aýyl­dyq jerlerde klýb, kitap­­h­a­nalardyń jabylý jaǵ­daı­laryn retteıtin tolyqty­rý­lardyń mańyzy da zor. Mysaly, 2013-2015 jyldary 40 mádenıet oshaǵy jabylǵan. Zańdaǵy jańalyqtar mádenıet oshaqtaryn qurý, qaıta qurý jáne joıý máselelerin qu­zyrly organmen mindetti kelisýdi talap etedi. Bul shara mádenıet oshaqtarynyń sebepsiz jabylýyna bóget bolyp qana qoımaı, mádenıet oshaqtaryna monıtorıng júrgizý múmkindigin beredi», dedi A.Muhamedıuly.   
«Sonymen qatar, zańdaǵy to­lyq­tyrýlar Elbasynyń ulttyq mádenıet pen mádenı-tarıhı muranyń saqtalýy men damýy jo­lyndaǵy saıasatynyń sapaly júzege asyrylýyna yqpal etedi degen senimdemin», – dedi vedomstvo basshysy.  
Parlament Senatynyń depýtaty Jabal Erǵalıev pen Par­lamenti Májilisiniń depýtaty Maıra Aısına mádenıet jáne ta­rıhı-mádenı mura salasyndaǵy zańnamaǵa engizilgen ózge de ózgerister týraly baıandady.
«Mádenıet – adamnyń aqyl oıynyń jemisi. Sondyqtan má­denıet salasynyń zańyn jańartyp oty­rýdy qajet dep esepteımiz. Áde­bıet salasy boıynsha jazý­shy­larǵa jasalyp otyrǵan bir qam­qorlyq buryn memlekettik tapsyrys boıynsha kitaptyń tırajy 2000 dana bolsa, endi kitaptyń tırajy 5000 danaǵa jetetin boldy. Osyǵan oraı jazýshylardyń qalamaqysy da artatyn bolady», dedi J.Erǵalıev.

Raýan QAIDAR,
«Egemen Qazaqstan»