Ardager ishki ister organdarynda 36 jyldan astam ýaqyt boıy qyzmet etip, aýdandyq ishki ister bólimin basqarǵan. «Mılısııa polkovnıgi» joǵary shenine qol jetkizgen.
Qazaqstan polısııasynyń 25 jyldyǵy aıasynda Uly Otan soǵysynyń jáne ishki ister organdarynyń ardagerine týǵan jeri Ýálıhanov aýdanynda úlken qurmet kórsetildi. Túrli tanymdyq is-sharalar uıymdastyryldy. Jurtshylyq tuıaǵymen jer tarpyǵan sáıgúlikterdiń jarysyn, qyz qýý, teńge alý, aýdaryspaq sekildi ulttyq oıyndardy qyzyǵa tamashalady. Jeńimpazdarǵa baǵaly syılyqtar, dıplomdar jáne EKSPO-2017 kórmesine bıletter tabys etildi.
Polısııa ardagerleri men qyzmetkerleriniń qatysýymen aýdandyq ishki ister bóliminiń ǵımaratyna memorıaldyq taqta qoıyldy. Aýdan ákimi Medet Ospanov bul is-sharanyń jas urpaqty tárbıleýdegi mańyzyn atap ótti.
«Ýálıhanovtyqtar aǵa urpaq ókiliniń esimin maqtan tutyp, únemi aıtyp júredi. Mundaı azamattar adamgershiliktiń, qyzmetke adaldyqtyń jarqyn úlgisi», – dedi aýdan basshysy.
Ulttyq ulan ardagerleri qazaqstandyq keńesiniń tóraǵasy, mılısııa general-maıory О́mirzaq Bolsambekov, Aqmola oblysy ishki ister basqarmasynyń burynǵy bastyǵy, IIO ardageri Vladımır Rybınskıı tanymdyq estelikter aıtty.
Marqumnyń balalary da áke jolyn jlǵystyryp keledi. Uly Bolat – polısııa polkovnıgi. Ol «Ob otse ı ego vremenı» atty kitap jazypty.
Qoıshybek aǵamyz Eńbek Qyzyl Tý, «Qurmet belgisi» ordenderiniń ıegeri. Basqa da marapattary jeterlik.
Aıtýly merekege Aqjar, Taıynsha, Aıyrtaý aýdandarynyń ardagerleri de shaqyrylyp, syı-sııapat kórsetildi.
