«2008 jyly Elbasynyń tapsyrmasyna sáıkes «Esildegi keme arnasyn damytý» (sýdohodnyı Esıl) jobasy ázirlendi. Búginde atalǵan joba úsh baǵyt boıynsha júzege asyrylýda. Sonyń biri – Esildegi kemejaı, ıaǵnı ózen vokzalyn ashý. Qazirgi kúni kemejaı qurylysynyń naqty orny belgilendi, ol Sh.Beısekova kóshesiniń tómengi jaǵynda bolmaq», – dedi Astana ákimdiginiń medıa ortalyǵynyń tilshisine bergen suhbatynda «Astana Esil» MKK dırektory Qanat Alın.
Onyń aıtýynsha, ózen vokzaly porttyq tıegish, bloktar men qajetti sheberhanalarmen jabdyqtalady.
«Sondaı-aq 2015 jyly shildede Esil ózeni Qazaqstannyń keme júzetin ózenderiniń reestirine engizildi. Sondyqtan, biz bul jańalyqpen maqtana alamyz. Jobanyń taǵy bir maqsaty – Esil ózeninde qatynaıtyn ózen taksıin qoldanysqa engizý. Syıymdylyǵy 8 adamdyq shaǵyn kemeler jolaýshylardy Esil ózininiń akvatorııi sheńberinde qalaǵan jerine jetkizetin bolady», – dedi ol.
