Dárigerlik apparat KRDJ-ta júzege asyrýǵa bolatyn syzyqtyq tomografııa, beıne sapasy joǵary ishek, bas súıek, qańqa súıek zertteýleri, ýrografııa, mıelografııa, tamyrlar men ókpe zertteýleri, bronhografıa, angıografııa sekildi zertteýdiń barlyq túrlerin oryndaýǵa múmkindik beredi. Bul joǵary tehnologııalyq qondyrǵy – negizgi qyzmeti túrli rentgen dıagnostıkalyq jıyntyqtaryn óndirý bolyp tabylatyn «Aktıýbrentgen» AQ otandyq óndirýshiniń ónimi. Bıylǵy jyldyń mamyr aıynda kompanııa óziniń 75 jyldyq mereıtoıyn atap ótti. Onyń tarıhy Uly Otan soǵysy kezinde Qazaq KSR Aqtóbe qalasyna kóshirilgen Máskeý kásipodaq memlekettik rentgen zaýytynan bastaý alady.
Densaýlyq saqtaý salasy «Maersk Oil» kompanııasynyń áleýmettik ınvestısııalarynyń ishinde basym salalarynyń biri bolyp tabylady. Tek 2015-2016 jyldary kompanııa Mańǵystaý oblystyq emhanasynyń kardıohırýrgııalyq ortalyǵyna, oblystyq onkologııalyq dıspanserine mamandandyrylǵan jabdyqtar, múmkindigi shekteýli azamattarǵa satymen kótergishti satyp alýǵa, sonymen qatar medısına qyzmetkerleriniń biliktiligin arttyrýǵa shamamen 300 myń AQSh dollaryn bóldi.
«Biz oblys turǵyndaryna medısınalyq kómek kórsetýdi jetildirý jáne jergilikti densaýlyq saqtaýdy damytý maqsatymen Mańǵystaý oblysynyń ákimshiligine kezekti qoldaý kórsetkeni úshin rızamyz. Sondaı-aq, bul joba bizge jergilikti óndirýshige de qoldaý jasap, qazaqstandyq qamtýdy arttyrýǵa kúsh salýǵa múmkindik berdi», – dedi «Maersk Oil» kompanııasynyń Qazaqstandaǵy Bas dırektory Fılıp Kannıngem.
Gúlaıym Shyntemirqyzy,
«Egemen Qazaqstan».
AQTAÝ.
