«Atameken» UKP Kásipkerler quqyǵyn qorǵaý jáne sybaılas jemqorlyqqa qarsy is-qımyl keńesiniń otyrysy ótti. Jıynda jalǵan kásiporyndar kontragentterine qatysty qylmystyq isti tergeý barysynda kásipkerlerdiń quqyqtary men zańdy múddesin qorǵaý tájirıbesi týraly máselesi kóterildi.
Keńes otyrysyna «Atameken» UKP Basqarma Tóraǵasynyń orynbasary Rýstam Júrsinov, Kásipkerler quqyǵyn qorǵaý jáne sybaılas jemqorlyqqa qarsy is-qımyl keńesiniń tóraǵasy Qaıyrbek Súleımenov, Aqmola oblysy kásipkerler palatasy dırektorynyń orynbasary Valentına Gerashenko basty baıandama jasady.
Jıynǵa QR Parlamenti Májilisiniń depýtaty Keńes Ábsátirov, Joǵarǵy Sotynyń sýdıasy Aıgúl Saparova, Qazaqstan kásipkerleriniń quqyqtaryn qorǵaý jónindegi ýákil Bolat Palymbetov, Bas prokýratýranyń ókili Janat Elımanov, sonymen qatar memlekettik ýákiletti organdar men bıznes-qoǵamdastyq ókilderi qatysty. О́ńirlerdegi palatalarmen vıdeo-baılanys ornatyldy.
Kásipkerler men óńirlik palata kásipkerleriniń jalǵan kásiporyndarmen jasalǵan mámileler boıynsha ústeme salyq aýdarýmen baılanysty memlekettik kirister organynyń zańǵa qaıshy is-qımylyna qatysty bergen aryz-shaǵymdaryna taldaý jasaldy. Ulttyq kásipkerler palatasyna 2017 jyldyń 1 qańtarynan 15 mamyr aralyǵynda kásipkerlerden jalǵan kásiporyndarmen jasalǵan mámile boıynsha 3 mlrd teńgeden astam somaǵa ústeme salyq aýdarýǵa qatysty 80 shaǵym túsken. Bul týraly «Atameken» UKP Kásipkerler quqyǵyn qorǵaý jáne sybaılas jemqorlyqqa qarsy is-qımyl keńesiniń tóraǵasy Qaıyrbek Súleımenov habarlady.
Sonymen qatar jalǵan kásiporyndarmen jasalǵan mámileler boıynsha salyq salý máselesi týraly «Atameken» UKP Basqarma Tóraǵasy Rýstam Júrsinov pen Aqmola oblysy kásipkerler palatasy dırektorynyń orynbasary Valentına Gerashenko baıandady.
«QR Qylmystyq kodeksiniń 215-babyn (jalǵan kásipkerlik) qoldaný tájirıbesi bızneske aıtarlyqtaı qysym kórsetetindigi aıtyldy. Jalǵan kásipkerler aıyppul tóleýmen qutylady, al olardyń kóptegen kontragentteri salyq, aıyppul men ósimaqy tóleýge májbúr bolady. Jalǵan kásiporyndardyń qyzmetin paıdalanatyn alaqol kásipkerler qylmystyq tergeý organdarynyń nazarynan tys qalady», – dedi Rýstam Júrsinov.
Sonymen qatar, «Atameken» UKP Basqarma Tóraǵasynyń orynbasary QR Qylmystyq kodeksindegi birneshe baptarǵa qatysty pikir bildirip, Bas prokýratýra men Joǵarǵy sotpen tyǵyz jumys jasaýdyń arqasynda, jalǵan kásipkerlikke qatysty máseleniń tońy jibigenin habarlap, jalǵan kásipkerlikte alaqol kontragentter de anyqtalyp, jazalanýy kerektigine asa nazar aýdardy.
Jıyn barysynda Keńes tóraǵasy jalǵan kásipkerlik máselesin kóterip, ony sheshýde aıtarlyqtaı úles qosqan Qazaqstan kásipkerleriniń quqyqtaryn qorǵaý jónindegi resmı ýákil Bolat Palymbetovtyń eńbegin erekshe atap ótti.
«О́ńirlerdi aralap, bıznes-qoǵamdastyqpen kezdeskende, kásipkerlerden túsetin shaǵymnyń basym kópshiligi jalǵan kásipkerlikke qatysty ekenin anyqtadyq. Al búginde birshama óńirdi araladyq, bul máseleniń azaıǵanyn baıqadyq. Eger Qylmystyq kodekstiń atalǵan baby kinási joq, adal kásipkerlerge zııan tıgizetin bolsa, onda sol bapty qaıta qaraý kerek», – dedi Bolat Palymbetov.
«Atameken» Ulttyq kásipkerler palatasy QR Qylmystyq kodeksiniń 215-babyn qaıta jazý, onyń ataýy men mazmunyn ózgertý boıynsha usynystar ázirlegen.
Jalǵan kásipkerlik ornyna zańdyq tulǵanyń zańsyz áreketi, ıaǵnı zańdyq tulǵa retinde tirkelý úshin qujattardy zańsyz paıdalaný syndy formaldy quramdardy engizý usynylady. Bul quramdar kompanııa qurylǵan, tirkelgen derekter boıynsha ońaı áshkerelenedi.
Sonymen qatar Salyq kodeksiniń erejelerin túzetý kerek (115-bap «shegerýge jatatyn shyǵyndar» jáne 257-bap «esepke alýǵa jatpaıtyn qunǵa salynǵan salyq») jáne salyq qyzmeti organdaryna jalǵan fırmalarmen iskerlik operasııalar júrgizý deregi anyqtalǵan kezdege salyq salynatyn tybysty ózdiginshe túzetý quqyǵyn berý qajet.
Keńes otyrysynda Joǵarǵy Sot sýdıasy Aıgúl Saparova jalǵan kásipkerlikke qatysty qylmystyq iste tergeý jumystary óte uzaq ýaqytty alatynyn atap ótip, óńirlerdegi qylmystyq istiń júrgizilýinen mysaldar keltirip, sot prosesi týraly aqparat berdi.
Al Bas prokýratýranyń ókili Janat Elımanov QR Qylmystyq kodeksiniń 2015-babyn qaıta reformalaýǵa qatysty uysynys QR Parlamenti Májilisine usynylatynyn habarlap, «Atameken» UKP usynysyn qoldaıtynyn jetkizdi.
Salyqty túzetý qylmystyq sot jumysy sheńberinen salyqtyq ákimshilik etýge aýystyrylýy qajet. Osylaısha, salyq organdary qylmystyq tergeýge adal kásipkerlerdi qatystyrmaı-aq, salyq somasyna ústeme, aıyppul men ósimaqy aýdarýdyń yqpaldy mehanızmderin alady.
Sonydaı-aq, adal kásipkerler zańnamada qarastyrylǵan ózderiniń quqyqtaryn qorǵaıtyn quqyqtyq quraldardy (azamattyq sot jumysy tártibinde shaǵymnyń sotqa deıin jáne sot mehanızmderi) paıdalana otyryp, ózderiniń mámileleriniń ras ekenin dáleldeýge múmkindik alady.
Joǵaryda atalǵan tásildi paıdalanǵanda jalǵan kásipkerlikpen kúres jańa sapalyq deńgeıge kóteriledi. Al atalǵan qylmystyq is kategorııasyn tergeýdiń qoldanystaǵy júıesi reformalaýǵa jatpaıdy.
Keńes jalǵan kásiporynnyń kontragentteriniń salyq salý týraly zańnama otandyq shaǵyn jáne orta bıznessýbektilerine qoldaý kórsetýge kepildik berý kerektigin atap ótti. Bul QR Prezıdenti N.Á.Nazarbaevtyń zańdy múltiksiz saqtaý týraly tapsyrmasyna saı keledi.
Keńes otyrysynyń qorytyndysynda Keńes Úkimetke, Qarjy mınıstrligi men ózge de múddeli memlekettik organdarǵa usynym daıyndaldy.
