Bıyl elimizde 136 myń túlek oqýyn aıaqtaıdy. Olardyń 6280-i «Altyn belgige» úmitker. Bilim jáne ǵylym mınıstrliginiń málimetine sáıkes, qazaq tilinde bilim alǵan túlekterdiń sany 90800 bolsa, orystildi synyptar 39300 balany bilim nárimen sýsyndatqan. О́zge tilderde oqyǵandar 6 myńnan asady.
Túlekter sany eń kóp aımaqqa Ońtústik Qazaqstan oblysy, Almaty oblysy jáne Almaty qalasy kiredi. Al Astanada 5 myńǵa jýyq oqýshy mektep bitirdi.
Qazaqstanda 95340 túlek Ulttyq biryńǵaı testileýden ótýge tilek bildirgen. Jańa úlgidegi bilim synaǵy 20 maýsymda bastalyp, 1 shildege deıin jalǵasady. Al attestattardy tapsyrý rásimi mektep ákimshiliginiń sheshimi boıynsha 10-12 maýsym aralyǵynda ótýi kerek. О́ıtkeni mınıstrlik oqýdy aıaqtaý sharalaryn 15 maýsymǵa deıin mektep qabyrǵasynda ótkizýdi usynǵan bolatyn.
