Onyń jumysyna Qazaqstan Respýblıkasy Parlamenti Májilisiniń Tóraǵasy N.Nyǵmatýlın, Reseı Federasııasy Federaldyq Jınalysy Memlekettik Dýmasy Tóraǵasynyń orynbasary V.Vasılev, Qazaqstan Respýblıkasy Syrtqy ister mınıstriniń orynbasary R.Vasılenko, Tájikstan Respýblıkasy Madjılısıniń komıtet tóraǵasy D.Madjıdzoda, Qyrǵyz Respýblıkasy Jogorký Keneshiniń depýtaty M.Mademınov, Aýǵanstan Islam Respýblıkasy Ulttyq Assambleıasy Volesı Djırgasynyń depýtaty A.Zazaı, Qazaqstan Respýblıkasy Parlamenti Májilisiniń depýtattary, sondaı-aq, halyqaralyq sarapshylar men dıplomatııalyq korpýstyń ókilderi qatysty.
Nurlan Nyǵmatýlın dóńgelek ústelde sóz sóıledi. О́z sózinde Májilis Tóraǵasy mańyzdy jıyndy birlese uıymdastyrýǵa qolǵabys etken Ujymdyq qaýipsizdik týraly shart uıymyna rızashylyq bildire kelip, bıyl Ujymdyq qaýipsizdik týraly shartqa qol qoıylǵanyna 25 jyl, al Parlamenttik Assambleıanyń qurylǵanyna 10 jyl tolyp otyrǵanyn atap ótti. Qazaqstan Prezıdenti – Elbasy Nursultan Ábishuly Nazarbaevtyń táýelsizdik alǵan kúnnen qaýipsizdik pen yntymaqtastyq máselesine erekshe nazar aýdaryp kele jatqanyn, búgingi kúni Qazaqstannyń Ortalyq Azııadaǵy eń turaqty, eń qaýipsiz el ekenin alǵa tartqan N. Nyǵmatýlın:
– Elbasynyń iri bastamalary tek aımaqtarda ǵana emes, álemdik deńgeıde zor qoldaýǵa ıe boldy. Sonyń nátıjesinde, bizdiń elderimiz barlyq salada joǵary strategııalyq áriptestik ornatty. Onyń ishinde, aımaqtyq yntymaqtastyq jáne qaýipsizdik boıynsha da árqashanda jemisti jumys atqaryp keledi. Biraq qazirgi ýaqytta búkil álemde oryn alyp jatqan qaýip-qaterler óte kóp. Bul bizdiń elderimizden áriptestikti burynǵydan da kúsheıtip, birlese áreket etýdi talap etedi, – dedi.
Tóraǵanyń aıtýynsha, osy jolda UQShU Parlamenttik Assambleıasyna múshe elder parlamentteriniń róli óte zor jáne júktelip otyrǵan jaýapkershilik te óte joǵary.
Eske sala ketsek, ústimizdegi jyldyń birinshi qańtarynan Qazaqstan BUU Qaýipsizdik Keńesiniń turaqty emes múshesi retinde resmı túrde jumysqa kiristi. Májilis Tóraǵasy atap ótkendeı, Qazaqstan osy kezeńde Ortalyq Azııa boıynsha qaýipsizdik pen turaqtylyqty qamtamasyz etý, aımaqtyq qaýip-qaterler men synaqtarǵa tıimdi qarsy is-qımyl tanytyp, yntymaqtastyqty nyǵaıtý baǵytynda belsendi jumystardy qolǵa almaq.
Osy rette, N.Nyǵmatýlın parlamentterdiń ózara áriptestigi ulttyq múddelerdi esepke ala otyryp, halyqaralyq úderisterdi zańnamalyq turǵydan qamtamasyz etýge jol ashatynyn atap ótti. Májilis Tóraǵasynyń aıtýynsha, Ortalyq Azııa óńirinde qaýipsizdikti qorǵaýda Ujymdyq qaýipsizdik týraly sharttyń róli óte zor.
– Bul jolda Qazaqstan Parlamenti depýtattarynyń UQShU Parlamenttik Assambleıasy sheńberinde óz áriptesterimen tyǵyz qarym-qatynas ornatýy óte mańyzdy. Parlamenttik dıplomatııa kóptegen halyqaralyq máseleler boıynsha elder ustanymdaryn alǵa jyljytýǵa jáne taraptardyń múddelerin qozǵaıtyn qujattardyń mazmundyq sıpatyna yqpal ete alady, – dedi Nurlan Nyǵmatýlın.
Aıta keteıik, táýelsizdik jyldary ishinde Qazaqstan Parlamenti Elbasynyń ıdeıasymen qurylǵan, bıyl 25 jyl tolyp otyrǵan, qaýipsizdik máselesine etene aralasatyn Azııadaǵy ózara is-qımyl jáne senim sharalary jónindegi keńes aıasynda kóptegen halyqaralyq sharttardy jáne UQShU sheńberinde 38 halyqaralyq shartty, sondaı-aq, Shanhaı yntymaqtastyq uıymy aıasynda 17 halyqaralyq shartty ratıfıkasııalaǵan.
Nurlybek DOSYBAI,
«Egemen Qazaqstan»
