Ken ónerkásibinde kemeldený baıqalady

A.Mamın Memleket bas­shy­synyń turaqty ekonomıkalyq ósim úshin ken metallýrgııa keshe­niniń damýyna aıryqsha kóńil bóletinin aıta otyryp, forýmnyń ken metallýrgııa keshenindegi mańyzdy máselelerdi talqylaý men sheshýde halyqaralyq alań retindegi mańyzyn atap kórsetti. 
Qazaqstan álemde temir keni boıynsha jetinshi jáne bolat óndirisi kólemi boıynsha 33-shi oryn alady. О́nerkásip óndirisiniń jalpy qurylymynda ken metallýrgııa kesheni 18 paıyzdan astamdy quraıdy. 
Sońǵy jyldar ishinde al­ǵash ret bazalyq metaldarǵa álem­dik baǵanyń kóterilýine, ry­noktardyń jandanýyna jáne kóptegen jetekshi óndirýshi kompanııalar úshin shyǵyndardyń azaıýyna baılanysty álemdik ken metallýrgııa ónerkásibinde oń tendensııalar baıqalýda dep atap ótti A.Mamın. 
2017 jyldyń 4 aıynyń qo­ry­tyndysy boıynsha Qazaqstan ekonomıkasynyń ósimi 3,7 paıyz­dy qurady. О́nerkásip óndirisi kólemi – 107,1 paıyz, onyń ishinde ken óndirisinde 107,8 paıyz óńdeý salasynda 106,8 paıyzdy qurady, dedi Premer-Mınıstrdiń birinshi orynbasary. 
Bizge saladaǵy ósimniń oń dı­­­na­­­mı­kasyn saqtap, ózimiz­diń básekelestik artyqshylyq­­tary­­myzdy tıimdi paıdalanýymyz qajet, dep atap kórsetti A.Mamın. 
Onyń aıtýynsha Tórtinshi ónerkásiptik revolıýsııa ken metallýrgııa ónerkásibiniń basty tehnologııalyq trendi bolyp tabylady. Qazirdiń ózinde arzan tehnologııalardy qoldaný arqyly óndiristiń ózindik qunyn tómendetýge jáne shyǵarylatyn ónim kólemin aıtarlyqtaı ul­ǵaı­týǵa jaǵdaı týǵyzatyn In­dýstrııa 4.0 -diń  elementterin qoldanýdyń oń úlgileri bar. 
Qazaqstannyń iri temir keni shıkizaty men bolat ónimderin óndirýshilerdiń biri bolyp tabylatynyn eskere otyryp, Bolat jónindegi komıtetti EYDU-ǵa múshelikke ótkizý boıynsha jumystar júrgizilýde. EYDU-ǵa múshe bolý sýbsıdııalaý jáne metallýrgııa kásiporyndaryna memlekettik qoldaý problemalary boıynsha sheshim qabyldaýǵa qatysýǵa jáne DSU talaptaryn eskere otyryp bolat rynogynda ádil básekelestikti damytý boıynsha kúsh-jiger jumsaýǵa jaǵdaı týǵyzady. 
Talqylanyp otyrǵan taqy­ryp­tyń kókeıkestiligin atap óte otyryp, A.Mamın forýmǵa qaty­sý­shylarǵa ónerkásiptik jáne eko­logııalyq qaýipsizdik másele­lerin sheshý úshin kózqarastar qalyptastyrýda, KMK-da ónim­niń jańa túrlerin damytýda, ın­novasııalyq tehnologııalar engizýde tıimdi jumys tiledi. 
Aıtqandaı, 25-shi Dúnıe­jú­zilik ken kongresin 2018 jylǵy 18-22 maýsymda Astanada ótkizý josparlanyp otyr.