Gúlshara Naýshaqyzy: «Qazaqstan azamattyǵyn alýǵa jáne odan shyǵýǵa ótinish berýshilerdiń qujattary quqyq qorǵaý organdarynda aldyn ala saraptamadan ótkizildi. Qazirgi tańda elimizde jan-jaqty jańǵyrý reformalary júrgizilip jatqany ózderińizge belgili. Bul másele Elbasy Nursultan Nazarbaevtyń saıası-ekonomıkalyq jáne rýhanı jańǵyrýlar jónindegi strategııalyq qujattarynda naqty kórsetildi», deı kele, Qazaqstan azamattyǵyn alatyn árbir adamnyń memlekettik dástúrlerdi, Qazaqstannyń qundylyqtaryn tereń bilýi, olardy qurmet tutýy óte ózekti másele ekenin jetkizdi.
Budan keıin Memlekettik hatshy táýelsizdik alǵan sátten bastap Qazaqstannyń azamaty bolýǵa nıet bildirýshi adamdar sanynyń udaıy ósýi baıqalatynyna, osy jyldar ishinde elimizdiń halyqaralyq bedeli aıtarlyqtaı óskendigine toqtala kele, bul Prezıdent N.Nazarbaevtyń basshylyǵynyń arqasyndaǵy etnosaralyq qatynastyń joǵary mádenıetin jáne Qazaqstannyń áleýmettik-ekonomıkalyq, qoǵamdyq-saıası damýyndaǵy nyq qadamdaryn aıqyndaıtynyna nazar aýdardy.
О́z sózinde Gúlshara Naýshaqyzy Memlekettik rámizder kúni qarsańynda elimizdiń jańa azmattaryn qarsy alýǵa erekshe qýanyshty ekenin, olarǵa Otanymyzdyń ıgiligi jolynda baqytty ómir jáne tabysty jumys tileıtinin aıtty. Sondaı-aq, elimizdiń laıyqty azamattary bola otyryp, olardyń egemen Qazaqstannyń odan ári damýy men órkendeýine óz úlesterin qosatyndaryna senim bildirdi.
Otyrysta Qazaqstan azamattyǵyna qabyldaý jáne odan shyǵý máseleleri jan-jaqty qarastyryldy. Elbasy tıisti Jarlyqqa qol qoıǵannan keıin bizge jaqyn jáne alys shetelderden kelgen túrli etnostardyń 640 ókili qazaqstandyq atanatyn bolady.
Komıssııa otyrysynyń qorytyndysy boıynsha tıisti sheshimder men usynymdar qabyldandy.
