Bıylǵy jazdyń favorıti, árıne, «Bolashaq energııasy» taqyryby aıasyndaǵy EKSPO-2017 halyqaralyq kórmesiniń ıesi retinde Astana bolatyny daýsyz. Amerıkalyq «The New York Times» basylymy Qazaqstan men EKSPO-2017 kórmesin osy jyly barýǵa usynylǵan 50-top oryndardyń ishine engizgenin atap ótken jón. Bizdiń elimiz sheteldik qonaqtarǵa yńǵaıly bolýy úshin 45 memleketke vızasyz rejim engizdi. EKSPO-2017 halyqaralyq kórmesi Astana qalasynda ótetinine qaramastan, ońtústik megapolıs – Shymkent qalasyna da týrıster keledi dep kútilýde. Aıtpaqshy, EKSPO-2017 qonaqtary úshin Shymkent qalasyna, basqa da tarıhı qalalarǵa, tabıǵaty kórikti aımaqtar men tabıǵı qoryqtarǵa, sonymen birge, qasıetti jerlerge barýǵa qamtylǵan arnaıy marshrýttar ázirlengen. Jalpy, týrısterdi tabıǵat rýhynyń mıksi, ejelgi dástúrler men zamanaýı trendter kútip tur.
Biz sizderdi eń dámdi, kún shýaǵy tógilgen jáne rýhanı qala – Shymkentpen tanysýǵa shaqyramyz. Ertede bul jer saýda, mádenıet pen órkenıettiń ortalyǵy bolǵan jáne Uly Jibek joly osy jermen ótkendiginiń arqasynda qarqyndy damı bastady. Bul, árıne, jergilikti salt-dástúrge jáne turǵylyqty halyqtyń minez-qulqyna ózindik izin qaldyrdy. Búginde Shymkent – Shyǵystyń dámdi taǵamymen áıgili meımandos qalalardyń biri, munda eń qonaqjaı adamdar turady. Shymkent halqy árbir qonaqty jylyushyraı jáne qushaq jaıa qarsy alady.
Shymkent – erekshe, qaıtalanbas energetıkasy bar qala. Damýdyń zamanaýı úderisi, bolashaq ambısııasy men salt-dástúrdi qurmetteýdiń rýhy tamasha úılesken qala. Shymkent – iri megopolısterdiń biri, mańyzdylyǵy boıynsha Qazaqstandaǵy úshinshi qala, turǵyndarynyń sany mıllıonǵa jaqyn. Qalanyń ınfraqurylymy damyǵan, oǵan halyqaralyq áýejaı, temir jol vokzaly jáne birneshe avtovokzaldar engen. Shymkentte avtomobıl joldary men kósheler júıesi – Qazaqstandaǵy eń uzaq tartylǵan joldar. Qozǵalystyń ekologııalyq túrin unatýshylar men salamatty ómir saltyn ustanýshylar úshin astanalyq veloprokattyń Shymkent Bike balamaly júıesi qyzmet etedi. Al asyqpaıtyndar men jaıaý júrginshiler úshin qala óziniń barlyq kórikti jerlerin ǵana emes, sonymen birge, qalalyq saıabaqtyń qupııa oryndaryn, tarıhı ǵımarattardyń erekshe kórinisin jáne basqa da tańǵalarlyq qupııalardy kórsetýge daıyn.
Shymkent – ádemi, qaıtalanbas tabıǵı landshafymen áıgili saıabaqtary, kóptegen sýburqaqtary men eskertkishteri bar qala. Shymkentte kóktemde bolǵandar osy qalanyń sımvoly bolǵan, túrli-tústi gúldengen san myńdaǵan qyzǵaldaqtardy umytpaıdy. Al keıbir derekter boıynsha, Ońtústik Qazaqstannyń jeri – qyzǵaldaqtardyń otany sanalady, ony alǵashqyda Túrkııa, al sonan soń Gollandııaǵa jetkizgen deıdi. Jyl saıyn osy tamasha gúlderdi otyrǵyzýdyń naýqanyna atsalysýǵa da bolady.
Shymkentte quramyna elimizdegi jalǵyz jasandy kól, haıýanattar baǵy jáne ıppodrom engen dendrobaq bar, bul – erekshe demalys orny. Megapolıs maqtanyshynyń biri – qala turǵyndarynyń súıikti jeri, Tulpar ózeni janynda ornalasqan, jańartylǵan ınfraqurylymy bar, Ortalyq Azııadaǵy eń iri Altyn Eye qalany sholý dóńgelegi.
Taǵy bir áıgili oryn Qoshqar ata bolyp tabylady. Shymkent – sýdyń kúre jolynyń bastaýyn qaladan alatyn kóptegen shaharlardyń biri jáne biregeıi. Kópten beri ózen jaǵasynda taza shymkenttik «Saıl Qoshqar ata» merekesi atalyp ótedi. Mereke asyl tuqymdy qoshqardyń atasyna arnalǵan jáne Naýryz merekesi aldynda uıymdastyrylady.
Shymkent pen onyń aınalasyndaǵy kórikti, tamasha jerler týraly aıta berýge bolady. Biraq bir ret kózben kórgenge ne jetsin! Bul jer tek alys sheteldikter úshin ǵana emes, kórshiles TMD elderi, sonymen qatar, basqa óńirlerde turatyn qazaqstandyqtar úshin de qyzyqty bolady. Olar, árıne, jan jylýynyń energııasyn sezinip, baǵanyń qoljetimdiligi men demalýdyń san alýan túrliligin laıyqty baǵalaıdy degen senimdemiz.
Dıana BATIShEVA
