2014 jyldan beri «Arlandar» WSB jobasyndaǵy kezdesýlerin Qazaqstannyń ár aımaǵynda ótkizip keledi. Elimizdiń óńirlerin álemge tanytý men sol óńirlerdegi boks jankúıerlerine qýanysh syılaý – komandanyń basty maqsaty.
«Astana arlandary» klýby bıyl jetinshi maýsym qatarynan jartylaı fınalǵa shyǵyp otyr. WSB jobasyndaǵy eń kóp júldeli orynnan kóringen komandalardyń biri.
Aıta keteıik, Arlandar shırek fınalda Reseıdiń «Patriot Boxing Team» komandasyn eki kezdesý qorytyndysy boıynsha aıqyn jeńip, jartylaı fınalǵa shyqqan bolatyn. Al jartylaı fınalda qazaqstandyq klýbtyń qarsylasy atanǵan Ulybrıtanııanyń «British Lionhearts» shırek fınalda Fransııanyń «France Fighting Roosters» komandasyn jarys jolynan shyǵarǵan edi. Komandalar arasyndaǵy qarymta kezdesý 8 maýsym kúni Londonda ótedi.
Jartylaı fınaldaǵy ekinshi jupta «Cuba Domeodores» – «Colombia Heroicos» komandalary kezdesedi.
