Bıyl da solaı boldy. Bul basqosý Aqtóbede ótkizilip, kórshilerge egis kemirgishterine qarsy qoldanylatyn jańa qural-jabdyqtar tanystyryldy. Onyń ishinde áýe tehnıkasy da bar. О́zin tájirıbede aqtaǵan nárse joǵalmaıdy. Budan keıin de kádege asa beredi. Sondyqtan shekaralas óńirler men agroqurylymdar jetekshileri olqy tustarǵa kóbirek nazar aýdardy. Ári osy baǵyttaǵy ortaq jumystardy jetildire túsý qajettigi jóninde uıǵarymǵa keldi. Eń bastysy buǵan deıingi birlesken jobalar men ózara tájirıbe almasýlar óz nátıjesin bere bastaǵany súısindiredi.
Orynbor úkimeti aýylsharýashylyǵy azyq-túlik jáne óńdeý ónerkásibi mınıstriniń orynbasary Mıhaıl Maslovtyń aıtýynsha, budan bes jyl buryn 120 myń gektar egistikti jaılap alǵan shegirtkelerdiń uıasyn joıýǵa týra kelse, ótken jyly onyń kólemi 300 gektardan aspaǵan. Ol muny aqtóbelik áriptesterimen ornyqqan ortaq istiń nátıjesi dep esepteıdi.
Osyndaı oń mysaldar Aqtóbe aımaǵyna da tán bolyp otyr. Bul jóninde «Egemen Qazaqstan» tilshisine oblys ákiminiń orynbasary Muhtar Jumaǵalıev aıtyp berdi. Shegirtkeni jáne basqa da egistik zııankesterin birlesip joıý jónindegi máseleler Aqtóbe men Orynbor oblystary arasyndaǵy shekaralyq yntymaqtastyq jónindegi kelisimge sáıkes iske asyp keledi.
Temir Qusaıyn,
«Egemen Qazaqstan».
AQTО́BE