Oblystaǵy bilim mekemeleriniń qurylysy serpindi damýda. Jalpy alǵanda, sońǵy 10 jylda 88 mekteptiń ǵımaraty jańadan berilse, bıylǵy jyldyń ózinde jańa 11 mektep óz jumysyn bastaýda.
Innovasııalyq turǵyda oqytatyn mektepter qatary jyldan-jylǵa ósýde. 2008 jyly 6 ınnovasııalyq mektep jumys jasasa, 2009 jyly 18, 2010 jyly 20, 2011 jyly 21 bolyp otyr. Zamannyń talabyna saı bilimge degen kózqarastyń ózgergenin osy bilim berý uıymdaryna suranystyń kóptiginen de baıqaýǵa bolady. Mundaı mektepter bilim negizderin meńgertýdegi qajettilik ekenin bizge zaman talaby moıyndatýda.
“Ustazy zamanynan ozyq eldiń búgini de, bolashaǵy da zor” dep Elbasy Nursultan Nazarbaev aıtqandaı, bilim salasynyń jańa deńgeıge kóterilýine ustaz qaýymynyń qosar úlesi zor. Munyń ózi – bolashaqta básekege qabiletti ult urpaǵyn qalyptastyrýda muǵalimderdiń arqalar júgi aýyr ekenin kórsetse kerek.
Oblysta jalpy áleýmettik sala boıynsha birjolǵy járdemaqy berilgen jas mamannyń 80 paıyzy, ıaǵnı 570-i, turǵyn úı alýǵa jeńildikpen nesıe alǵan 330 mamannyń 241-i (73 paıyzy) bilim salasynyń mamandary ekenin de aıta ketsek deımiz.
Ulttyq biryńǵaı testileý qorytyndysymen de, «Altyn belgi» belgisin dáleldeýde de oblysymyzdyń respýblıka boıynsha 2 jyl boıy alǵashqy úshtikte bolýy kezdeısoqtyq emes. Onyń bári osyndaı júıeli, josparly túrde jasalǵan eńbektiń nátıjesi.
Oblysymyzda densaýlyq saqtaý salasy óziniń oń jetistikterimen óńir halqyn qýantýda. 2009 jyly oblystyq bıýdjet esebinen 32 eldi mekenderde medısınalyq pýnktterdiń, 9 dárigerlik ambýlatorııanyń qurylysy salynsa, 2010 jyly jergilikti bıýdjetten 7 medısınalyq pýnkttiń qurylysy júrgizildi. Baıqońyr qalasynda quramynda áıelder konsýltasııasy bar perzenthana qurylysy aıaqtaldy.
Qyzylorda qalasyndaǵy 200 tósektik perınataldyq ortalyq, sondaı-aq qalalyq emhana qurylysy el táýelsizdigi qarsańynda paıdalanýǵa berilmekshi.
Salanyń materıaldyq-tehnıkalyq bazasy nyǵaıýda. Jaqynda ǵana sanıtarlyq avıasııaǵa tikushaq alyndy. Qazirdiń ózinde onyń ıgiligin alys aýyldaǵy turǵyndar kórýde.
Alashtyń anasy atalǵan Syr óńirindegi osyndaı jemisti ister el bolashaǵynyń jarqyndyǵyna degen senimdi jyldan-jylǵa nyǵaıtyp keledi.
Naýryzbaı BAIQADAMOV, Qorqyt Ata atyndaǵy QMÝ-diń tárbıe jumystary jónindegi prorektory, tarıh ǵylymdarynyń kandıdaty, «Mártebeli Qazaqstan» qoǵamdyq qorynyń prezıdenti.
