Atalmysh kolledj Aqtaý qalasynda 1976 jyly ashylǵan Gýrev medısınalyq ýchılıshesiniń Shevchenko fılıalynyń bazasynda 1997 jyly jeke menshik mekemesi bolyp qaıta qurylyp, 2012 jyly «Meıirbıke kolledji» JShS bolyp tirkeldi.
Munda sabaq qazaq jáne orys tilderinde júrgizilip, 65 oqytýshy jumys isteıdi. Úsheýi medısına ǵylymdarynyń kandıdaty, sonyń ishinde 40 muǵalim densaýlyq saqtaý salasynda uzaq jyldar qyzmet etken ári ustazdyq tájirıbeleri de bar. 2011-2014 jyldar aralyǵynda «Meıirbıke» kolledji óńirdiń densaýlyq saqtaý mekemeleri úshin 1020 maman daıyndap shyǵardy.
О́z oqý ǵımaratyn salý arqyly kolledj stýdentter sanyn keńeıtýge múmkindik aldy. Ǵımarat sabaq ótetin synyptar, zerthanalar, májilis zaly, ákimshilik keńselermen jabdyqtalǵan. Joba boıynsha 5 bloktan turatyn (10 954.9 sh.m. aýdandy quraıdy) 3-4 qabatty bilim berý mekemesin salý úshin kompanııa 100 mln teńgeni «Forte Bank» AQ arqyly jylyna 14%-ben, 42 aı merzimge, «Bıznestiń jol kartasy-2020» baǵdarlamasy aıasynda aldy.
«14 paıyzdyń 7 paıyzyn klıent tóleıdi, al qalǵan 7 paıyzy memleket esebinen qaıtarymsyz negizde sýbsıdııalanyp óteledi. Sondaı-aq, kepilzat kólemi jetkiliksiz bolǵandyqtan, «Damý» qorynyń kepildendirý quralyn 100 paıyzǵa paıdalana aldy. Qarjylandyrýdyń negizgi maqsaty – №5 blok boıynsha qurylys jumystaryn aıaqtaý edi. Osy qurylys aıaqtalǵannan keıin kásipker jataqhana men muǵalimderge arnalǵan turǵyn úı salýǵa kiriskisi keledi», – dedi «Damý» Qory» AQ Mańǵystaý oblysy boıynsha fılıalynyń menedjeri Abaı Mombekov.
Onyń aıtýynsha, bul jobany qoldaý 2016-2020 jyldarǵa arnalǵan Qazaqstan Respýblıkasy densaýlyq saqtaý salasyn damytýǵa arnalǵan «Densaýlyq» memlekettik baǵdarlamasynyń oryndalýy barysyndaǵy naqty qadam bolyp sanalady.
Gúlaıym Shyntemirqyzy,
«Egemen Qazaqstan».
AQTAÝ
