Merekelik jıynda sóz alǵan oblys ákimi barlyq oqýshylardy oqý jylynyń aıaqtalýymen quttyqtap, jańa zaman talaptaryna saı bilim alyp jatqan kóshbasshylar mektebiniń oqýshylaryna jyly lebizin bildirdi.
Bilim ordasyn bıyl 2-orys, 3-qazaq tildi - barlyǵy 5 synyp bitirdi. Mekteppen qoshtasqan 87 túlektiń 14-i altyn belgige, 4-eýi úzdik attestatqa úmitti. 12 synyp oqýshylary tańdaý pánderi boıynsha syrtqy jıyntyq baǵalaý emtıhandaryn, aǵylshyn tili deńgeıin anyqtaıtyn halyqaralyq IELTS emtıhanyn tapsyrdy.
Túlekterdiń bıylǵy oqý jylynda jetken jetistikteri de az emes. 12-synyp oqýshylary Tomırıs Saǵynbaı, Sáttiǵalı Joldasbaı, Azıza Albetova - Gonkong Polıtehnıkalyq ýnıversıtetiniń (The Hong Kong Polytechnic University) bilim grantyna, Madına Týrmaganbetova Zhejiang sci-tech university, Tańsholpan Temırhanova Jiangnan University ýnıversıtetteriniń grantyna ıe bolsa, 12-synyp oqýshysy Jansaıa Maratqyzy Almaty Management University ýnıversıtetiniń grant ıegeri atandy. 12 oqýshy Nazarbaev Ýnıversıtetiniń irikteý kezeńinen ótti.
Sońǵy qońyraý saltanatynda mektep dırektory Ermek Paızov jas túlekterdi mektep bitirýimen quttyqtap, ár zııatker túlek Qazaqstannyń aldyńǵy qatarly 30 eldiń deńgeıine kóterilýine jan-jaqty yqpal etetindigine senim bildirdi.
Saltanatty shara barysynda «Jyl oqýshylary» da marapattattaldy. Mektep ujymy jáne ózin-ózi basqarý uıymynyń oqýshylarymen uıymdastyrylǵan «Jyl oqýshysy» baıqaýy 8 nomınasııa boıynsha ótti. «Jyl oqýshysy» nomınasııasyn respýblıkalyq olımpıadanyń eki dúrkin jeńimpazy, Gonkong Polıtehnıkalyq ýnıversıtetiniń grant ıegeri jas túlek Saǵynbaı Tomırıs ıelense, «Jyl jetistigi» nomınasııasyna Fızıka páninen jelilik olımpıadada III oryn ıegeri Asqar Galamaddın laıyq dep tanyldy. «Jas ǵalym» oqýshylar uıymynyń alǵashqy Prezıdenti, respýblıkalyq robototehnıka olımpıadasynyń jeńimpazy, jas túlek Eset Sıdeshev atandy. «Jyl aktıvısi» nomnıasııasy mektep ómirindegi jobalar men aksııalardyń uıymdastyrýshysy, ózin-ózi basqarý uıymynyń múshesi Aııa Sartbaevaǵa, «Jyl starostasy» nomınasııasy «Astana» shańyraǵynyń kóshbasshylyǵyna eleýli úles qosqan kóshbasshy Álııa Orasaıǵa, «Jyl korrespondenti» nomınasııasy mektepte shyǵarylatyn "Jas Tolqyn" jýrnalynyń bıld-redaktory, turaqty tilshisi Ańsaǵan Galaladınge tabystaldy. «Jyl sportshysy» nomınasııasymen ústel tennısinen oblystyq jarys jeńimpazy Aqbergen Abyz, «Jas talant» - nomınasııasymen respýblıkalyq «Muqaǵalı oqýlary» baıqaýynyń jeńimpazy, mektepte sahnalanǵan Dýlat Isabekovtyń «Ápke» qoıylymynyń basty rólin somdaǵan Jumasat Shuǵylaǵa, «Jyl jasampazy» nomınasııasymen respýblıkalyq IýNESKO uıymdastyrǵan respýblıkalyq «Balalar álemdi beıneleıdi» baıqaýynyń dıplomanty Dıana Aqýal marapattaldy. Atalǵan nomınasııalardy oblystaǵy belsendi el azamattary tabystady.
Gúlaıym Shyntemirqyzy,
«Egemen Qazaqstan».
AQTAÝ
