Jekpe-jek aldynda Qanat Islamnyń salmaǵy - 153,8 fýnt (69,76 kılo) bolsa, qarsylasy Norberto Gonsalestiń salmaǵy -154 fýnt (69,85 kılo). Kezdesý birinshi orta salmaqta ótedi.
Sonymen qatar, Islam-Gonsales anderkartynda judyryqtasatyn otandasymyz Janqosh Turarov ta salmaq ólsheý rásimine qatysty. Turarovtyń salmaǵy 150,8 fýnt (68,40 kılo), qarsylasy Gýstavo Garıbaıdyń salmaǵy — 151 fýnt (68,50 kılo) qurady. Bul jekpe-jek jartylaı orta salmaqta ótedi dep josparlanǵan (147 fýnt, 66,678 kılo).
Islam-Gonsales kezdesýi AQSh-tyń Florıda shtatyndaǵy Boka Raton qalasynda ornalasqan «Boca raton resort & club»-ta ótedi. Jekpe-jek jeńimpazy WBO NABO jáne WBA Inter-Continental vakantty tıtýlyn ıelenedi.
Qanat Islam men Norberto Gonsales jekpe-jegin erteń ıaǵnı, 27 mamyr kúni saǵat 06:00-den bastap «Qazaqstan» Ulttyq telearnasy men «Kazsport» arnasy tikeleı efırde kórsetedi.
