Ol Qyzyljar aýdanynda ornalasqan «Radýga» JShS-inde básekege qabyletti ónimder shyǵarý barysymen tanysty. Munda plastmassa ónimderiniń 200-ge jýyq túri jasalady.
Kompanııa dırektory Dmıtrıı Sharapaevtyń aıtýynsha, sehtar Eýropanyń ozyq tehnologııalarymen jaraqtalǵan. Jeńildikti sýbsıdııalyq qarajattyń úshten biri jyldam daıyndalatyn kespe óndiretin zaýyt turǵyzýǵa jumsalǵan. Sonyń arqasynda qazir aıyna 140 mıllıon teńgeniń kespe túrleri óndiriledi. О́nimder ishki naryqpen qatar, Reseıdiń Omby, Ekaterınbýrg, Chelıabi, Novosibir aımaqtaryna da jóneltiledi.
Aımaqtyq otyrysqa Tımýr Qulybaev pen oblys ákimi Qumar Aqsaqalov qatysyp, shaǵyn jáne orta bıznes salasyn damytýdyń ózekti máseleleri talqyǵa salyndy. «Atameken» UKP alqasynyń tóraǵasy óz sózinde búgingi kúni kásipkerlikti jappaı óristetýge memleket tarapynan jan-jaqty qamqorlyq jasalyp otyrǵanyn, ulttyq palata qurylǵannnan bergi úsh jyl ishinde aýqymdy jumystar atqarylǵanyn atap kórsetti. Bıznes ókilderi úkimettik organdarmen iskerlik qarym-qatynastar ornatylyp, óz quqyqtary men mindetteri sheńberinde naqty sharalar atqaryp keledi. «Damýdyń aımaqtyq kartasy» sheńberinde kásipkerlerdiń áleýetin kóterý, aýyldarda ınfraqurylymdar qurý, ozyq jobalardy iske asyrý, bilikti kadrlar daıarlaý baǵyttary boıynsha jaqsy tájirıbeler qalyptasqan.
Jıynda oblystyq kásipkerler palatasynyń dırektory Turar Ysqaqovtyń esebi tyńdaldy. Byltyr 3,5 myńǵa jýyq kásipker qaırylyp, 264 másele oń sheshim tapqan. Olardyń paıdasyna 364 mıllıon teńge óndirilgen.
Qumar Irgebaıuly óńirde 28 myńdaı shaǵyn jáne orta bıznes sýbektisi qurylǵanyn, olarda 100 myńnan astam adam jumys isteıtinin jetkizdi. Sońǵy bes jylda ónim óndirý kólemi 269 mlrd teńgeden 385 mlrd teńgege deıin, al salyq mólsheri 29 mlrd teńgeden 50 mlrd teńgege ulǵaıǵan. Alaıda, jalpy ónim shyǵarýda úlesiniń tómendegeni baıqalady. Monıtorıngtik taldaý boıynsha óńirlik kásipkerler palatasy respýblıkada eń sońǵy orynda keledi. Bul oraıda jergilikti atqarýshy organdary atyna biraz syndar aıtyldy. Jer telimderin bólý, qarjylyq resýrstardy sheshý, jylý, jaryq júıelerine qosý máselelerinde, qajetti qujattardy rásimdeýde bıýrokrattyq kedergiler, qaǵazbastylyqtar az kezdespeıdi. Ásirese, bos jer telimderi, olardy saýdaǵa qoıý máselelerinde aqparattyń ashyqtyǵy, qoljetimdiligi qamtamasyz etile bermeıdi.
Alqaly basqosýda aýyl sharýashylyǵyn qoldaý qory jáne shaǵyn qarjylyq uıymdar arqyly eldi mekenderde kásipkerlik salanyń órkendeýine yqpal jasaý, otandyq taýar óndirýshilerdi jan-jaqty qoldaý, eksportqa mamandandyrylǵan óndiris oryndaryn kóbeıtý máseleleri talqylandy.
О́mir Esqalı,
«Egemen Qazaqstan».
Soltústik Qazaqstan oblysy.
