Bıyl UBT 20 maýsym men 1 shilde aralyǵynda ótedi. О́ńirde 10 testileý pýnkti jumys isteıtin bolady. Ata-analar testileý barysyn tikeleı onlaın rejıminde kóre alady. Mektep bitirýshilerdi tamaqtandyrýǵa jáne turatyn ornyna qalalyq, aýdandyq bıýdjetterden 6,9 mln teńge bólinipti. Oblystyq bilim berý basqarmasynyń basshysy Baqyt Bekseıitovanyń aıtýynsha, ótken jyly óńir boıynsha UBT-ǵa mektep bitiretin 3601 túlektiń 2564-i qatysypty. Ortasha ball 88,2-ni quraǵan. О́kinishke oraı, Aqtoǵaı, Pavlodar, Sharbaqty, Jelezın, Ýspen aýdandarynyń túlekteri eń tómen nátıje kórsetken bolatyn.
Al, bıyl she?.. Bıyl 11-synypty bitiretin óńirdegi 3738 oqýshynyń 2676-sy nemese 71,5 paıyzy testileýge qatysýǵa nıet bildiripti. Negizi, UBT-ny tek qana elimizdiń joǵary oqý oryndaryna túskisi keletin túlekter ǵana tapsyrýǵa mindetti delindi. Osy mindetti alǵa tartyp UBT-ǵa qatyspaıtyndar qatary kóbeıe bastaǵandaı.Sondyqtan, ákimdik otyrysynda aýdan-qala ákimderine mektep túlekterin UBT-ǵa meılinshe kóptep qatystyrý kerektigi eskertildi. О́ıtkeni, mysaly, onsyz da mektepterinde bala sany az Ýspen aýdanynda byltyr mektep bitirgen túlekterdiń 52 paıyzy ǵana UBT-ǵa qatysypty.
Buǵan ne sebep?.. Sóıtsek, aýdan ákimi Sergeı Salamaskııshe aıtsaq: «Ýspen aýdany Reseımen shekaralas ornalasqan. Muny bir dep qoıyńyz. Ekinshiden, mektep bitirýshilerdiń kóbi sol eldiń joǵary oqý oryndaryna oqýǵa túsedi. Sondyqtan, olar úshin UBT-ǵa qatysý mańyzdy emes» kórinedi...
Farıda Byqaı,
«Egemen Qazaqstan».
Pavlodar oblysy
