Onyń tártiptik isin qaraý barysynda óreskel zańbuzýshylyqtardyń oryn alǵany anyqtaldy. Atap aıtqanda, sheneýnik qyzmet babyn paıdalana otyryp, aýyl sharýashylyq óndiristik kooperatıvterine tıesili qarajatty ákesine, odan qaldy týǵan-týystaryna qyldaı etip bólip bergen. Osylaısha 3 mln 96 myń teńgeni shúlen taratqandaı úlestirilgen.
Taǵy birneshe laýazymdy qyzmetkerdi memlekettik qyzmetshi atyna kir keltirgen is-áreketi úshin laýazymynan shettetý jóninde sheshim qabyldandy.
Aqjar aýdandyq aýyl sharýashylyǵy bóliminiń basshysy Ábdijapar Qımanov asyl tuqymdy mal ósirýmen aınalysatyn fermerlerge sýbsıdııa berý týraly qujatqa eki ret qol qoıyp, bir jyldyń ishinde 1 mln 800 myń teńgeni qoldaryna ustatyp jibergen. Ol shtatta mamandar jetispeıdi, jumys júktemesi kóp, sýbsıdııa alǵandaryn bilmedim dep san syltaý aıtqanymen, qyzmetine tolyq saı emes degen uıǵarym shyǵaryldy.
Ýálıhanov aýdandyq aýyl sharýashylyq bóliminiń jetekshisi Azamat Jaýarovqa da qyzmetine tolyq saı emestigi betine basyldy. Ol 13 sharýashylyqqa zańsyz sýbsıdııa bólgen.
О́mir Esqalı,
«Egemen Qazaqstan».
Soltústik Qazaqstan oblysy.
