Is-shara aıasynda basqa da delagasııa basshylary qatarynda A. Kamaldınov Ispanııa Koroli VI Felıpemen kezdesti.
Halyqaralyq daǵdarysqa alyp kelgen sırııalyq janjal konferensııanyń basty taqyryby boldy.
«Qazaqstandyq syrtqy saıasat vedomstvosy basshysynyń orynbasary elimizdiń halyqaralyq qaýymdastyqtyń qoldanyp jatqan sharalaryn, sondaı-aq dıalog pen bitimge kelý joly arqyly qantógisti jedel toqtatýdy qoldaıtynyn atap ótti. Qazaqstan sonymen qatar, Sırııanyń saıası bolashaǵyn aıqyndaýǵa baǵyttalǵan sırııalyq bılik pen oppozısııanyń áreketterin de qoldaıdy», – delingen baspasóz habarlamasynda.
О́z kezeginde, konferensııaǵa qatysýshylar Sırııa boıynsha Astana prosesiniń nátıjelerin joǵary baǵalap, Qazaqstan qabyldap jatqan barlyq sharalarǵa qoldaý bildirdi.
Taıaý Shyǵystaǵy etnosaralyq jáne dinaralyq janjaldardy talqylaý barysynda qazaqstandyq dıplomat elimizdiń táýelsizdiginiń alǵashqy kúninen bastap beıbit damýdy tańdaǵanyn aıtty. Bul rette vıse-mınıstr qoldanystaǵy azamattyq qoǵamnyń erekshe ınstıtýty – joǵary deńgeıdegi mádenıaralyq suhbattyń jańa kezeńine bastaý salǵan Qazaqstan halqy Assambleıasynyń qyzmeti týraly da habarlady.
