Oblys ákiminiń orynbasary Anarhan Dúısenova qatysýshylardy aımaq basshysy Qumar Aqsaqalovtyń atynan quttyqtap, sáttilik tiledi.
О́te tartysty ótken konkýrsta Nekibaevtar (Qyzyljar aýdany) men Parhomenkalardyń (Petropavl) januıalary birinshi oryndy ıelendi.
Qojataı aqsaqal men Aısha ájeı ekeýiniń bir shańyraq astynda tútin tútetkenderine 70 jyl eken. 10 ul-qyz tárbıelep ósirgen. Qojataı qarııa 1943 jyly qan maıdanǵa attanyp, kóptegen qalalardy azat etýge qatysqan. О́miriniń 32 jylyn halyq aǵartý isine arnaǵan. Onyń izin 3 balasy, 2 kelini, 4 nemeresi jalǵastyryp, áýlettiń bul saladaǵy jumys ótili 200 jylǵa parapar. Parhomenkolar da úlgili otbasylardyń biri.
«Otbasy isi», «Ata-analar qýanyshy», «Ákem, sheshem jáne men – sporttyq januıamyz», taǵy basqa atalymdar boıynsha eń úzdikter anyqtaldy.
Jeńimpazdar men júldegerlerge dıplomdar, baǵaly syılyqtar jáne «EKSPO-2017» halyqaralyq kórmesine tegin bıletter tapsyryldy.
О́mir Esqalı,
«Egemen Qazaqstan»
