Saleh bılikten ketýge kelisetindeı

Iemen prezıdenti Alı Abdýlla Saleh Parsy shyǵanaǵyndaǵy arab memleketteri yntymaqtas­tyǵy keńesi usynǵan óziniń bılikten ketýi týraly usynysty qabyldaıtyn jospar qurǵany týraly málimdedi. Memlekettik televızııaǵa bergen suhbatynda ol vıse-prezıdent Abdýrab Mansur Hadıge oppozısııamen joǵary­daǵy josparǵa qol qoıý týraly kelissóz júrgizý ókilettigin bergenin atap kórsetti. Saleh jaqyn arada elde prezıdenttik, parlamenttik jáne jergilikti saılaýlar bolatynyna úmittenip otyr. Biraq ol dál qaı kezde resmı túrde ornynan ketetinin naqtylaǵan joq. QOSYMShA MANDAT ÁPERDI 25 qyrkúıekte  bolyp ótken Fransııa senatynyń saılaýynda oppozı­sııa­lyq solshyl partııalar ózderin tuńǵysh ret kópshilik orynmen qam­tamasyz etti. Aldyn ala derek boıyn­sha, 348 orynnyń 170-iniń taǵdyry sheshilgen saılaý solshyl koalısııaǵa 24-ten 26-ǵa deıin qosymsha mandat áperdi. Osylaısha solshyl partııalar senattaǵy kópshilikke 1958 jyldan beri tuńǵysh ret qol jetkize aldy. Baıqaýshylardyń pikirinshe, saılaý nátıjeleri 2012 jyldyń mamyryndaǵy prezıdenttik saılaý aldynda sosıalısterdiń pozısııasyn aıtarlyqtaı nyǵaıtatyn bolady. El prezıdenti Nıkolıa Sarkozı saılaýdyń qory­tyn­dylarynan kóńili qalǵanyn ashyq bildirdi. TELEARNA STÝDIIаSYN BASYP ALDY Grek stýdentteriniń bir toby jeksenbi kúni keshkisin memlekettik NET telearnasynyń stýdııasyna basyp kirdi. 50 adamnan turatyn top telearna basshyly­ǵy­nan joǵary bilim berý reformasyna qarsy narazy­lyq­taryn bildirý úshin ózderine efır berilýin talap etti. Telearna basshylyǵy stýdentterdiń talabyn oryndaýdan bas tartyp, keshki jańalyqtar shyǵarylymyn efırden alyp tastaý týraly sheshim qabyldady jáne onyń ornyna derekti fılm kórsetti. Al parlament janyna jınalǵan jastardy qýyp taratý úshin polısııa kózden jas aǵyzatyn gaz qoldanýǵa májbúr boldy. Jalpy, Grekııada áleýmettik-ekonomıkalyq jaǵdaı kún ótken saıyn kúrdelene túsýde. MEDVEDEV ÚKIMETINDE JUMYS ISTEMEIDI Reseı vıse-premeri,  qarjy mınıstri Alekseı Kýdrın Dmıtrıı Med­vedev­tiń úkimetinde jumys istemeıtinin málimdep otyr. Men ózimdi jańa úkimetten kórmeımin. Bul jerde másele maǵan eshkimniń usynys jasa­ǵa­ny-jasamaǵanynda da emes, deıdi ol. A.Kýdrınniń aıtýynsha, óziniń qazirgi prezıdentpen aradaǵy pikir qaıshylyǵy oǵan jańa úkimetke barýǵa múmkindik bermeıdi. Ol qandaı qaıshylyq degenge kelsek, ekonomıkalyq saıasattaǵy, onyń ishinde áskerı maqsattarǵa aıtarlyqtaı qarjy qajet etetin saıasatqa qatysty qaıshylyqtar kórinedi. Vıse-premerdiń pikirinshe, V.Pýtın prezıdenttikke saılanǵan jaǵdaıda, reformalardy belsendirek júrgizetin bolady. LAŃKESTIK TOPTAR QURDY DEP AIYPTADY Pákstan syrtqy ister mınıstri Hına Rabbanı Har Kabýldaǵy AQSh elshiligine shabýyl úshin moınyna jaýapkershilik alǵan «Hakkanı» tobyn AQSh-tyń Orta­lyq barlaý basqarmasy sekildi arnaıy qyzmetteri uıymdastyrǵan dep málimdedi. Onyń sózine qaraǵanda, OBB-nyń basqa da lańkestik toptarmen baılanysy bar. Buǵan deıin AQSh bıligi «Hakkanıdi» Pákstannyń vedomstvoaralyq barlaý qyzmeti qoldap otyr dep aıyp taqqan bolatyn. Pákstan óziniń lańkestermen baılanysy joq ekenin aıtyp aqtalǵan edi. Endi Hına Rabbanı Har mundaı aıyptaýlar tyıylmaıtyn bolsa, AQSh-pen  odaqtastyq qatynasy úziletinin málimdedi. HALYQTY ÚShINShI TО́ŃKERISKE ShAQYRDY Qyrǵyzstan prezıdenttigine tirkeý týraly prosedýradan 20 úmitker tabysty ótti. Úmitkerlerdi tirkeý 24 qyrkúıekte aıaqtalǵan bolatyn. Barlyǵy saılaýǵa qatysýǵa 83 kandıdat nıet bildirse, iriktelip tek 20-sy ǵana qaldy. Kandıdattardyń kópshiligi 30 myń qol jınaı almasa, birqatary 100 myń som kólemindegi kepildik aqsha tappaǵan. Memlekettik tildi bilý týraly emtıhannan súringenderi de bar. Keıbir úmitkerler óz usynystarynan saıası sarynmen bas tartty. Sondaı joly bolmaǵandardyń biri Kýbanychbek Apas otandastaryn kóshelerge shyǵýǵa úndep, is basyndaǵy bılikti taǵynan taıdyrýǵa shaqyrdy. QYSQA QAIYRYP AITQANDA: Kenııada 72 jasqa qaraǵan shaǵynda 2004 jylǵy Nobel syı­ly­ǵynyń laýreaty Vangarı Maataı qaıtys boldy. Ol – No­bel­diń beıbitshilik syılyǵyn alǵan alǵashqy afrıkalyq áıel. AQSh 2009 jyly Izraılge qupııa túrde 55 GBU-28 basqarylatyn avıabomba bergen. Bul týraly The Daily Beast basylymy jarııa etti. Túrkimenstan bas prokýratýrasynyń 5 qyzmetkeri Reseı azamattary bolǵandyqtary úshin qyzmetterinen bosatyldy. Olardyń qandaı laýazymdar atqarǵandyqtary naqtylan­baıdy. Úkimet áskerleri dúısenbige qaraǵan túni Sırııanyń ortalyq bóligindegi Rastan qalasyn qorshaýǵa aldy. Olar shaharǵa baǵyttap túrli qarýdan oq jaýdyrǵan. 26 qyrkúıekte bolǵan saýda-sattyq barysynda altynnyń baǵasy 6,4 paıyzǵa túsip, ýnsııasy úshin 1552 dollar tólendi. Sóıtip, baǵasy sharyqtaý shegine jetken úsh aptadan beri altynnyń quny 19 paıyzǵa arzandady. Kabýldaǵy AQSh elshiligin atqylaý saldarynan bir Amerıka azamaty opat bolsa, taǵy bireýi jaraqat alǵan. Oq jaýdyrǵan Aýǵanstan azamaty kórinedi. Ol da oqqa ushypty. Reseılikter qarjy rynoktaryndaǵy jaǵdaıdyń ýshyǵýyna baılanysty jappaı dollar satyp ala bastaǵan. Sońǵy eki aptada qolma-qol valıýtaǵa suranys 30 paıyzǵa deıin ósip ketken. Internet materıaldary negizinde ázirlendi.