Respýblıkanyń keı jerlerinde shańdy daýyl bolady, jel kúsheıedi, burshaq jaýýy yqtımal. Bul týraly QR IIM TJK baspasóz qyzmeti habarlaıdy.
Qostanaı oblysynda naızaǵaı bolady, kúndiz keı jerlerinde burshaq jaýýy yqtımal. Túnde keı jerlerde jeldiń jyldamdyǵy 15-20 m/s, kúndiz basym bóliginde 17-22 m/s-ǵa deıin kúsheıdi. Shyǵys Qazaqstan, túnde Pavlodar oblysynyń keı jerlerinde naızaǵaı kútiledi, jeldiń jyldamdyǵy 15-20 m/s-ǵa deıin kúsheıedi. Qaraǵandy oblysynyń keı jerlerinde naızaǵaı kútiledi, burshaq jaýýy yqtımal, kúndiz jeldiń jyldamdyǵy 15-20 m/s-ǵa deıin kúsheıedi. Atyraý, Batys Qazaqstan, Aqtóbe oblystarynyń keı jerlerinde naızaǵaı kútiledi, jeldiń jyldamdyǵy 15-22 m/s-ǵa deıin kúsheıedi, Atyraý oblysynda shańdy daýyl bolady. Mańǵystaý oblysynda kúndiz jeldiń jyldamdyǵy 18-23 m/s-ǵa deıin jetip, shańdy daýyl bolady. Qyzylorda oblysynyń keı jerlerinde túnde naızaǵaı kútiledi, burshaq jaýýy yqtımal, kúndiz keı jerlerinde jeldiń jyldamdyǵy 15-20 m/s-ǵa deıin kúsheıedi. Shańdy daýyl soǵyp, jeldiń ekpini 23-28 m/s bolady. Ońtústik Qazaqstan oblysynyń keı jerlerinde tańerten jáne kúndiz jeldiń jyldamdyǵy 15-20 m/s-ǵa deıin kúsheıedi. Jambyl oblysynyń keı jerlerinde naızaǵaı kútiledi, burshaq jaýýy yqtımal, jeldiń jyldamdyǵy 18-23 m/s-ǵa deıin kúsheıedi. Aqmola oblysynyń keı jerlerinde naızaǵaı kútiledi, jeldiń jyldamdyǵy 15-20 m/s-ǵa deıin kúsheıedi, kúndiz keı jerlerinde burshaq jaýýy yqtımal. Almaty oblysynyń keı jerlerinde naızaǵaı bolady, Jalańashkól aýdanynda jeldiń jyldamdyǵy 15-20 m/s-ǵa deıin kúsheıedi. Aqmola, Qaraǵandy, Shyǵys Qazaqstan oblystarynyń keı jerlerinde óte joǵary deńgeıde órt qaýpi bar.
