Halyqaralyq sharany Ońtústik Qazaqstan oblysynyń mádenıet basqarmasynyń basshysy Nurbolat Ahmetjanov pen Túrkistan qalasynyń ákimi Álipbek О́serbaev ashyp berdi.
Festıval - túrkitildes ulttar arasyndaǵy baýyrlastyq baılanystar men dostyqty nyǵaıtý, túrki elderiniń ulttyq operalaryn jańǵyrta otyryp birligin nyǵaıtý, túrki elderiniń qazirgi zaman opera óneriniń jarqyn ókilderin tanystyryp, olardyń shyǵarmashylyǵyn keńinen nasıhattaý maqsatynda uıymdastyryldy.
Festıvaldiń bas dırıjeri - Qazaqstannyń Eńbek sińirgen qaıratkeri, Abaı atyndaǵy Qazaq memlekettik akademııalyq opera jáne balet teatrynyń dırektory jáne kórkemdik jetekshisi - Asqar Bóribaev. Sonymen qatar, festıvalge Qaraqalpaqstannyń Halyq ártisi, О́zbekstandaǵy A.Navoı atyndaǵy memlekettik akademııalyq opera jáne balet teatrynyń dırıjeri Aıda Abdýllaeva jáne Ońtústik Qazaqstan oblystyq opera jáne balet teatrynyń bas dırıjeri Qýanysh Ismaılov qatysty.
XX-shy TÚRKSOI Halyqaralyq Opera juldyzdarynyń festıvalinde Túrkııa, Qyrǵyzstan, О́zbekstan, Qaraqalpaqstan memleketteriniń jáne Astana, Almaty, Shymkent qalalarynyń opera juldyzdary óner kórsetýde. Atap aıtqanda, Qyrǵyzstannyń Eńbek sińirgen ártisi Ásel Bekbaeva, Qaraqalpaqstannyń Eńbek sińirgen ártisi Jeńisbek Pııazov, Túrkııa memleketinen Halyqaralyq baıqaýlardyń laýreaty Chaner Akgıýn, О́zbekstannan Halyqaralyq baıqaýlardyń laýreaty Nemat Habıbov, Astana Opera teatrynyń solısti, QR Eńbek sińirgen qaıratkeri Jan Tapın, Almaty qalasyndaǵy Abaı atyndaǵy Qazaq memlekettik akademııalyq opera jáne balet teatrynyń jetekshi solısteri, QR Memlekettik syılyǵynyń ıegeri Talǵat Kúzembaev, QR Eńbek sińirgen qaıratkerleri Gúlzat Dáýirbaeva jáne Bolat Bókenov, oblystyq opera jáne balet teatrynyń jetekshi solısteri QR Mádenıet qaıratkeri Úralhan Seılbekova, Halyqaralyq baıqaýlardyń laýreattary Gúljan Raskalıeva, Marat Orazmetov, Erlan Jandarbaı, Mádihan Dúıseev, Jumabek Qańtarbaev, Qarakóz Abdýsharıpova, Aıdos Imanjapparov, Qarlyǵa Berdııar kópshilikke óner tartýyn arnady.
