Sabyrlylyq kepili – dinı saýattylyq

Oblysqa quramynda Din isteri jó­nindegi agenttik tóraǵasynyń oryn­basary Marat Ázilhanov bastaǵan bir top teologtar keldi. Olardyń óńirge kelý­leriniń maqsaty turǵyndarmen júzbe-júz kezdesip, dinı aqparattyq-túsinik júr­gizý, ımamdarmen dinı biliktilikti arttyrý baǵytynda tyǵyz jumys jasaý eken. «Dostyq» úıinde bolǵan zııaly qaýym, úkimettik emes uıymdar, saıası partııalar, memlekettik organdar men mekemeler ókilderimen kezdesýde dástúrli dinimiz Islam týraly tereńirek tarqatyldy, onyń beıbitshilik pen turaqtylyqty saqtaýdaǵy, ımandylyqqa uıytýdaǵy ar­tyqshylyqtary sóz boldy. Jat pıǵyl­daǵy sektalar men dinı aǵymdarǵa tosqaýyl qoıýdyń joldary jaıly áńgime órbidi. Jıynda sóz alǵan Marat Ázilhanov elimizdegi dinı ahýal turaqtylyǵynyń mysaly retinde Qazaqstanda 4,5 myń dinı birlestik tirkelgenin, 3300 ǵıbadat­hananyń esigi ashyqtyǵyn, memleket pen dinı birlestikter arasynda baılanys­tardyń nyǵaıyp kele jatqanyn, konfessııaaralyq kelisimdi qamtamasyz etýdiń úlgisi retinde Álemdik jáne dástúrli dinder kóshbasshylarynyń sez­deri ótkizilip kele jatqanyn, memle­ketimizdiń EQYU-ǵa, IYU-ǵa tóraǵalyǵyn tilge tıek etti. – Alaıda, dinı ahýalda alańdatatyn jáıtter da týyndap otyrǵanyn jasy­rýdyń reti joq. Teris pıǵyldaǵy dástúrli emes aǵymdar paıda bolýda. Olardyń biri otbasyn oırandap, ekinshileri dinı birlestikter arasyna iritki salyp júr. Úshin­shileri ekstremıstik pıǵyl tanytyp otyr. Bul kórinisterdiń sebebi, dinı biliktiliktiń taıazdyǵy, dástúrli din ókilderiniń kóp­shilikti mazalap júrgen saýaldarǵa jaýap bere almaýy. Dinniń bedelin jamylyp, óz maqsattaryna paıdalanýshylar da kóbeıip keledi. Olardyń arasynda dinniń bedelin túsirýge umtylýshylar da bar. Bular – qoǵamdaǵy yntymaq pen birlikke qaýipti úrdister. Sondyqtan bizge jat kózqarastar men ıdeıalardy tamyrymen joıý kerek, – deı kelip, M.Ázilhanov memleket tara­pynan osy baǵytta atqarylyp jatqan isterge de toqtala ketti. Osy maqsatta Elbasynyń Jarlyǵymen qurylǵan Din isteri jónindegi agenttiktiń oblystardaǵy departamentteri jumysyn belsendirek júrgize bastaǵanyn, dástúrli dindermen ortaq is-áreket etý tereńdeı túsetinin, dinı birlestikterdiń zańǵa qanshalyqty sáıkes keletini taldap tekseriletinin, «Din týraly» Zańnyń búgingi zaman talaptaryna saı jetildiriletinin, oblystar jáne aýdandar janyndaǵy dinı birlestiktermen baılanys jónindegi keńes­teri din tóńiregindegi máselelerdi sheshýdiń ortaq alańyna aınalatynyn, jastarǵa rýhanı-tálimdik tárbıe berý kúsheıti­letinin, memleket tarapynan qoldaý retinde dinı mamandardy daıarlaýǵa 220 kvota bólinetinin jetkizdi. Qazaqstan musylmandary dinı bas­qarmasynyń apparat jetekshisi Qaırat Joldybaıuly, Qazaqstan qajylar qa­ý­ym­dastyǵynyń tóraǵasy Erkin Daýanaev, oblystyq qoǵamdyq-saıası keńesi­niń úılestirýshisi Erkin Qurmanbekov, Beıbitshilik pen kelisim keńesi oblystyq fılıalynyń tóraǵasy Keldibaı Espa­ǵambetov, Saǵynaı qajy Qusaıynov aı­tyl­ǵan máseleler boıynsha oı-pikir­lerin ortaǵa salyp, usynystaryn bildirdi. Teologtar sodan keıin Qudaıbergen Jubanov atyndaǵy ýnıversıtettiń Jastar saraıynda stýdenttermen, arnaýly orta jáne joǵary oqý oryndarynyń oqytýshylarymen, mektep dırektorla­rymen júzdesti. Munda da din máseleleri tóńireginde keńinen sóz boldy. Kezdesýdi qorytyndylaǵan oblys ákimi Arhımed Muhambetov bul baǵyttarda atqary­latyn jumystarǵa toqtala kelip, ákimdik tarapynan jasalatyn qoldaý-kómekti tarata áńgimeledi. Meımandar aýyl, aýdan ımamda­rymen, Aqtóbe medresesiniń ujymymen, sondaı-aq, Muǵaljar jáne Temir aýdan­darynyń turǵyndarymen de kezdesti. Satybaldy SÁÝIRBAI. Aqtóbe oblysy.