450 shaqyrymǵa ushqan zymyran Japonııa jaǵalaýyna baryp qulaǵan. Bul óz kezeginde Japonııa úkimetiniń narazylyǵyn týdyrdy
Sarapshylardyń pikirinshe, osy synaq arqyly Phenıan zymyran tasyǵysh kemelerge qarsy shabýyl jasaı alatyndyqtaryn kórsetti.
Soltústik Koreıa osylaısha BUU ıadrolyq jáne zymyran synaqtaryn ótkizýge tyıym salý týraly rezolıýsııasyn buzǵanymen qoımaı, kerisinshe sońǵy aılarda synaqtardyń sanyn arttyryp otyr.
AQSh tynyq muhıty áskerı kúshiniń málimetinshe, zymyran eldiń Vonsan degen aımaǵynan jiberilgennen Japonııa jaǵalaýyna túskenge deıin áýede 6 mınýt ushqan.
Japonııa mınıstrler kabınetiniń bas hatshysy Ioshıhıde Sýganyń aıtýynsha, zymyran eldiń Sado jáne Okı araldarynyń ortasyna, eldiń mańyzdy ekonomıkanyń aımaǵyna túsken.
Al Ońtústik Koreıa Áskerı kúshiniń ókilderi zymyrannyń 120 metr bıiktikpen ushqanyn aıta kelip, naqty qansha zymyrannyń jiberilgeniniń anyqtalyp jatqanyn málimdedi. Bul óz kezeginde birneshe zymyrannyń ushyrylǵan bolýy múmkin ekenin kórsetedi.
Zymyran ushyrylǵannan bir kún ótkennen keıin ǵana Soltústik Koreıanyń memlekettik basylymdary synaqtyń ótkenin jarııalady.
Soltústik Koreıanyń «Skad» atty bul zymyrany jaqyn radıýsty soqqy berýde álemdegi eń úzdik qarýlardyń biri. Keńes úkimetiniń jasaǵan qarýynyń jetildirilgen túri 1000 shaqyrym qashyqtyqqa deıin alady.
Sońǵy aptada osyǵan deıin jiberilgen eki zymyran orta radıýsty soqqy berý zymyrany edi. Soltústik Koreıa eki zymyran synaǵynyń da sátti júzege asyrylǵanyn málimdedi.
Sarapshylardyń pikirinshe, Soltústik Koreıa endi Soltústik Amerıka qurlyǵyna deıin jetetin zymyrandy daıyndap jatqan kórinedi.
