Mınıstrdiń aıtýynsha, osyǵan deıin bizde ondaı zań bolǵan emes. «Bul óte kerekti zań. Áli kúnge deıin bizde lotereıa týraly zań bolǵan emes. Bul salany ózderińiz bilesizder, túsim óte kóp. Memleketke qandaı salyqtar tólenip jatyr, paıdasyn kimder kórýde degen saýaldarǵa biz jaýap bere almaıtynbyz. Endi ol zańnyń arqasynda júıege qoıyldy. Bári ashyq bolady», degen mınıstr oıynnan túsken tabystyń on bes paıyzy sport salasyn damytýǵa jumsalatynyn málimdedi.
Ekinshiden, oıyn ındýstrııasy boıynsha eń myqty degen kompanııalardan ókilder shaqyrylǵan. Mınıstr lotereıa salasy jaqsy damıtyn bolsa, býkmekerlik mekemelerde jumys isteıtin jastardy da osy salaǵa alyp kelýge múddeli ekendikterin jetkizdi.
Aıgúl SEIILOVA,
«Egemen Qazaqstan»
