«BAQ ókilderi buqaralyq sportty damytýǵa qatysty kóp saýal qoıady. Jalpy, buqaralyq sport degenimiz ne? Ol – jeke sport túri emes. Ár óńirde sporttyń ár túri jaqsy damyǵan. Mysaly, Ońtústik Qazaqstanda, Jambyl oblysynda ulttyq oıyn túrlerinen jaqsy nátıjeler bar. Biraq olarǵa oblystyq bıýdjetten qarajat az bólinedi. Biz sporttyń komandalyq túrleri jaqsy damyǵan dep aıtyp jatamyz. Sondaı-aq, boks pen kúresti maqtanyp aıtamyz. Biraq, olarǵa da bıýdjet salasynan bólinetin qarajat jetkiliksiz. Sol úshin biz eń birinshi kezekte qaı óńirde sporttyń qaı túri jaqsy damyǵan bolsa, soǵan kóńil bólemiz», dedi mınıstr.
Ol sondaı-aq, fýtbolǵa qatysty shetelden legıoner ákelýge atqarýshy bıliktiń qarsy ekenin jetkizdi. Jáne bul másele joǵaryda atalǵan «Sport týraly» zańda rettelgen. «Biz bıýdjettiń aqshasyna shetelden legıonerler ákelýge qarsymyz. Mysaly, «Qaırat» komandasynyń basynda Qaırat Boranbaev degen kásipker azamat tur. Ol óz qarjysyna shetelden legıonerler ákelip júr. Sol sekildi jeke kásipkerler óz qarajatyna ákelip jatsa, áńgime bólek. Al bıýdjettiń aqshasy sport túrlerin damytýǵa jumsalý kerek»-dedi ol.
Aıgúl SEIILOVA,
«Egemen Qazaqstan»
