Qazaqstan • 29 Mamyr, 2017

Bıyl Astanada botanıkalyq baq ashylady

734 ret

kórsetildi

1 mın

oqý úshin

Astanada jyl sońynda botanıkalyq baq paıda bolady. Astananyń sol jaq jaǵalaýynda aýmaǵy 100 gektar bolatyn dendrarıı ashylady, - dep habarlady Astana ákimdiginiń medıa-ortalyq tilshisine «Astana Zelenstroı» AQ óndiristik máseleler jónindegi basqarma tóraǵasynyń orynbasary Bıbigúl Bektemisova.

Egemen Qazaqstan

Qababanbaı batyr dańǵylynda ornalasatyn botanıkalyq baqtyń qurylysy 2017 jyldyń jeltoqsan aıynda aıaqtalady. Qazirgi tańdakógaldandyrý jáne abattandyrý jumystary júrgizilip jatyr.

-Bul jerde jabyq oranjereıa, jasandy sý toǵany, júgirý men velosıpedke arnalǵan joldar bolady. Oranjereıada ekzotıkalyq ósimdikter jáne palmanyń 55-ke jýyq túrleri ósiriledi, - dedi B.Bektemisova.

Budan bólek, Astananyń klımattyq jaǵdaıyna saı aǵashtar men butalardyń jańa túrlerin ósirý men baptaýǵa baılanysty túrli tájirıbeler ótkizilip, oqý- aǵartýshylyq jáne ekologııalyq sharalar arqyly botanıkalyq baq ǵylymı zerthanaǵa aınalmaq.

-Jyl sońyna deıin botanıkalyq baqqa 35 myń aǵash otyrǵyzý josparlanǵan. Sonymen qatar, Qazaqstanda eshqashan ósirilmegen Eýropadan 600 túp aǵash túrleri ákelinedi, - deıdi Bektemisova.

Botanıkalyq baqqa Astana qalasynyń turǵyndary men qonaqtary jyl boıy kelip, tamashalaı alady.