Oǵan oblystyq máslıhat depýtattary, memlekettik mekemeler, qarjy ınstıtýttarynyń, qoǵamdyq birlestikterdiń jáne bıznes ókilderi qatysty. Forýmnyń maqsaty – múgedektikke dýshar bolǵan adamdardyń tabysty bıznesin, olardyń kásipkerlik qyzmetterin múmkindigi shekteýli azamattar men jalpy aımaq turǵyndary arasynda keńinen nasıhattaý bolyp tabylady.
Forým mindetteri:
-múmkindigi shekteýli kásipkerlerge maqsatty demeýshilik kómek kórsetýde bıznestiń, memlekettik organdardyń, tabysty kásipkerler men qarapaıym azamattardyń múmkindikterin paıdalaný;
- múgedekterge alǵashqy qomaqty kapıtalsyz-aq óz isin ashýǵa bolatynyn kórsetý, tabys pen jumyspen qamtýdy qamtamasyz etý
- múmkindigi shekteýli jandar arasynda kásipkerlikti damytý úshin qolaıly jaǵdaı jasaý;
- múmkindigi shekteýli tulǵalardyń yqtımal ınvestorlarmen jáne atqarýshy organ ókilderimen ózara is-qımyly;
- tabysty kásipkerlerdiń tájirıbesimen almasý, bıznes júrgizýde tálimgerlerdiń kómegine súıený;
- Jalpyǵa birdeı eńbek qoǵamyn qalyptastyrý.
Qyzylorda oblysynyń ákimi Qyrymbek Kósherbaev óz sózinde «Damý» kásipkerlikti damytý qory» AQ-nyń «Damý-Aımaqtar» baǵdarlamasy boıynsha shaǵyn jáne orta kásipkerlikti qarjylandyrý úshin 1,4 mlrd teńgege kelisimge qol qoıylǵanyn jáne oblys kásipkerleri bes jylǵa 8,5 paıyzben jeńildetilgen nesıe ala alatynyn atap ótti. Sondaı-aq, barlyq kásipkerlerdi osy baǵytta iske asyrylyp jatqan baǵdarlamalarǵa belsendi qatysýǵa shaqyrdy.
-Múmkindigi shekteýli kásipkerlerdiń qyzmeti barlyǵyna, ásirese tepse temir úzetin, biraq masyldyq kózqarastan aryla almaı júrgen jastarǵa úlgi bolýy qajet,-dedi Q.Kósherbaev.
Forým barysynda múgedek kásipkerlerdiń taýarlar men qyzmetteriniń jármeńkesi uıymdastyrylyp, tabysty jobalardyń tusaýkeserleri jasaldy. О́tkir máseleler boıynsha sarapshylardan salyqtyq keńester, múgedektigi bar tabysty kásipkerdiń sheberlik-klasy jáne jumysqa ornalasý boıynsha sarapshylar keńesteri men «dóńgeles ústel» uıymdastyryldy. Forýmda múmkindigi shekteýli 30 kásipkerge oblys ákiminiń Alǵys hattary tapsyryldy.
