Shara negizinen elimizdiń ozyq otyz eldiń qataryna kirý jáne Ekonomıkalyq yntymaqtastyq jáne damý uıymynyń standarttaryna sáıkestendirý baǵytyndaǵy mindetterin mejeleý maqsatynda qolǵa alynǵan. Monıtorıngke sáıkes, shet el qarjysynan demeýshilik alǵan zańdy jáne jeke tulǵalar 10 jumys kúni ishinde memlekettik kirister organdaryna aqshany alǵany týraly habarlaýǵa jáne odan ári toqsan saıyn esep berýge mindetti.
Negizgi tártip boıynsha, eseptilikti tabys etýdiń birinshi kezeńi (F.017.00) 10 jumys kúni ishinde júzege asyrylsa, al ekinshi kezeń «018.00» – toqsan saıyn júrgiziledi. Bul ekinshi aıdyń 15-inen keshiktirilmeýi tıis. Munda aqshanyń nemese múliktiń jumsalǵan somasy týraly esep berilýi kerek. Iаǵnı, 1 teńgeden asatyn somada jasalǵan mámileler, qyzmet túrleri kórsetiledi. Atap aıtqanda, azamattar men uıymdarǵa zań kómegin kórsetý, sonyń ishinde quqyqtyq aqparattandyrý, keńes berý, múddelerin qorǵaý; zertteý jáne saýalnama júrgizý (qoǵamdyq pikirdi, áleýmettik saýalnamalardy qospaǵanda, kommersııalyq maqsatta júrgiziletin saýalnamalar), sondaı-aq, olardyń nátıjelerin taratý jáne ornalastyrý; jınaý, taldaý jáne aqparatty taratýda kommersııalyq maqsatta kórsetilgen qyzmetti júzege asyrý.
Málimetter turǵylyqty jeri nemese ornalasqan jerindegi memlekettik kirister organdaryna qaǵaz jáne elektrondy tasymaldaý arqyly jiberiledi. Shet elden, halyqaralyq jáne sheteldik uıymdardan, sheteldikterden, azamattyǵy joq adamdardan alynǵan aqsha nemese ózge de múlik tolyq jumsalǵan soń, málimet berý tolyq toqtatylady.
Al aqshany alǵany týraly habarlaý talabyn elemegen jaǵdaıda ákimshilik jaýapkershilik qarastyrylǵan. Qosymsha aqparat alý úshin memlekettik kirister organdaryna nemese myna telefonǵa habarlasýǵa bolady: 8 (717) 2 37-92-89. 87474598764.
Qýanysh NURKEN,
Astana qalasynyń Almaty aýdany boıynsha memlekettik kirister basqarmasynyń bas mamany
