Birneshe kúnnen beri. Halyqaralyq «EKSPO» kórmesiniń qarsańynda, 25 mamyrda jalaýy jelbiregen dúbirli dodanyń ashylý saltanatyna osy saıysty baqylaý komıtetiniń tóraǵasy, Azııa voleıbol konfederasııasynyń ókili Szıchjon Veı arnaıy qatysyp, sporttyq sharany joǵary deńgeıde uıymdastyrǵany úshin aımaq basshysy Danıal Ahmetovke alǵys aıtyp, estelik syılyq tabystady. Saltanatty sharany quttyqtaý sózimen ashqan oblys ákimi mundaı mártebeli jarystyń Shyǵys Qazaqstan topyraǵynda ótýi óńir jurtshylyǵynyń ortaq jeńisi ekendigin aıtty.
«Barshańyzdy osynaý sport merekesiniń bastalýymen shyn júrekten quttyqtaımyn. Japonııa, Qytaı, Taıland, Taıpeı, Iran, Vetnam, Fılıppın elderiniń sportshylaryna qonaqjaı Shyǵys Qazaqstan jerine qosh keldińizder deımiz. Bizge osyndaı aýqymdy sharany ótkizý mindetin senip tapsyrǵan Azııa voleıbol konfederasııasy basshylyǵyna alǵys aıtamyz. Qurlyqtyń kil myqtylary qatysatyn jarys tartysty da tartymdy oıyndarǵa toly bolady dep senemiz», − dedi D.Ahmetov.
Saltanatty sharanyń shymyldyǵy túrilgennen keıin alańǵa el namysyn qorǵaıtyn óskemendik «Altaı» men Taıpeıdiń «Taıvan Paýer» komandalary shyǵyp, bizdiń burymdylar bes kezeńge sozylǵan oıynda 3:2 esebimen jeńiske jetti. Erteńinde «Altaı» arýlary Taılandtyń «Sýpreme» komandasymen sheberlik baıqasyp, ese jiberip aldy. Jıyrma jetinshi mamyr kúni óskemendik ala dop sheberleri Irannyń «Sarmaıe Bank» komandasymen kezdesip, olardy 3:0 esebimen oısyrata jeńip, shırek fınal joldamasyn ıelendi.
Azamat QASYM,
«Egemen Qazaqstan»
О́SKEMEN
