Úkimet jumysy baǵdarlamalardy oryndaýǵa jumyldyrylýy tıis

Keshe Memleket basshysy Nursultan Nazarbaev Qazaq­stan Respýblıkasynyń Premer-Mınıstri Kárim Másimovti qa­byldady, dep habarlady Qazaqstan Respýblıkasy Prezıdentiniń baspasóz qyzmeti. K.Másimov Prezıdentti eldiń ekonomıkalyq damýynyń qar­qy­ny men serpini týraly, Údemeli ındýstrııalyq-ınnovasııalyq damý baǵdarlamasynyń barysy, jıyn-terin jaıy, áleýmettik baǵ­darlamalardyń júzege asy­ry­lýy týraly habardar etti. Jyl basynan beri ónerkásip óndirisi 6 paıyzǵa ósti. Birinshi jartyjyldyqta 70 jańa óndiris orny ashyldy. 160 myń adam ju­mys­qa ornalasty. Elimiz boıyn­sha jyldyń aıaǵyna deıin taǵy 600 mıllıard teńgeniń 129 jo­ba­sy aıaqtalatyn bolady. Qazaq­stan­da daǵdarystan keıingi ke­zeń­degi ekonomıkalyq damý jó­nin­de baǵdarlama júzege asyry­lý­da. Eń aldymen, bul Údemeli ındýstrııalyq-ınnovasııalyq damý baǵdarlamasy, «Bıznestiń jol kartasy», «Jumyspen qam­tý», «О́nimdilik», «Aqbulaq», «Ba­­lapan», turǵyn úı-kom­mý­nal­dyq sharýashylyqty jańǵyrtý baǵ­darlamalary. Indýstrııalandyrý baǵdarlamasynan basqa, olardy iske asyrýǵa 165 mıllıard teńge bólingen. Nursultan Ábishuly, Sizge 8 aıdyń qorytyndylary men 9 aıdyń aldyn ala qorytyn­dy­la­ry týraly baıandasam deımin. Bı­ylǵy jyldyń sáýir aıynda Úki­met otyrysynda Siz bergen tapsyrmalar barlyq kór­setkishter boıynsha is júzinde oryndalýda. 2011 jyldyń qo­ry­tyndysy boıynsha Siz alǵa mindet etip qoıǵan 7 paıyzdyq ósim qamtamasyz etiletin bolady. О́ń­deý­shi ónerkásip ósimi ozyq qarqyn alyp keledi. Bul Sizdiń tapsyrmańyz boıynsha, ındýs­trııa­lyq baǵdarlamanyń arqa­syn­da júrgizilýde. Jeltoqsan aı­ynda sóz etken nysandardyń tusaýkeseri belgilengen merzimde ótkizilip, iske qosylatyn bolady. Á.Isekeshev basqaratyn jedel top qazir bul másele boıynsha jumys istep jatyr, olar qazirgi kezde óńirlerdi aralap júr. Barlyǵy da belgilengen josparǵa sáıkes júrgizilýde. Aýyl sharýa­shylyǵy salasyndaǵy jıyn-terin Sizdiń tapsyrmańyz boıyn­sha qolǵa alynǵan keshendi shara­lardyń arqasynda janar-jaǵar maımen qamtamasyz etý, jańa teh­nologııalardy paıdalanýǵa daı­yndyq jumystary júzege asyp, Siz taıaýda Qostanaıda, Sol­tústik Qazaqstanda kórgenińizdeı, oń jemisin berýde. Búgingi kúni 21 mıllıon tonna egin jınaldy, taǵy da rezervter anyqtalýda. Bı­ylǵy jyldyń qorytyndysy boıynsha 24-25 mıllıon tonna egin jınalatyn bolady. Osyǵan sáıkes belgili bir qıyndyqtar bar, ol – astyqty saqtaý. Aýyl sha­rýashylyǵy mınıstri bastaǵan shtab quryldy. Erteń biz jı­nalǵan astyq ónimin saqtap qalý úshin respýblıkalyq selek­tor­lyq keńes ótkizýdi josparlap otyr­myz. Belgili bir problemalar týyndaýda, alaıda olardyń bári sheshimin tabatyn bolady. Aýyl sharýashylyǵy mınıstri men oblystardyń ákimderi baıan­da­ǵandaı, astyq kóp mólsherde jınalǵanyna qaramastan, saqta­la­tyn bolady. Bul úshin Sizdiń tapsyrmańyz boıynsha bıýdjetti naqtylaý jobasy qabyldandy, onyń ishinde, astyqty tasymal­daý­ǵa, satyp alýǵa Sizdiń tap­syr­mańyzben «QazAgro» kompanııasy tarapynan sýbsıdııa bólý qa­ras­tyrylǵan. Bul óz nátıjesin beredi jáne biz muny únemi baqylaýda ustaımyz. Dıqandardyń zor eń­be­gimen jınalǵan astyq saq­talýy tıis jáne saqtalatyn bo­la­dy. Men Sizge taǵy bir másele jóninde baıandaǵym keledi. Bul janar-jaǵarmaı materıaldary­men qamtamasyz etý jaǵdaıy. О́ıt­keni, bul másele qoǵamdy qat­ty tolǵandyryp otyr. Tamyz aı­ynda belgili mólsherde kidirister boldy, sebebi, birinshi kezekte bul ózimizdi áli de bolsa jekemenshik janar-jaǵarmaı óndiri­si­men tolyq qamtamasyz ete al­maýymyzǵa baılanysty bolyp otyr. Tek 2014 jyly jeltoq­sanda, Qazaqstandaǵy barlyq munaı óńdeıtin zaýyttardy qaı­ta qurý aıaqtalǵanda ǵana buǵan múmkindik týady. Jalpy al­ǵanda, belgilengen barlyq baǵ­dar­la­ma­ny iske asyrýda qıyn­dyq joq emes, biraq olardyń bári sheshimin tabatyn bolady jáne Sizdiń barlyq tapsyr­ma­laryńyz Táýel­siz­diktiń 20 jyl­dyǵynda oryn­da­latyn bolady, dedi K. Másimov. – Aýyl sharýashylyǵy taýar­la­ryn óndirýshiler aqshalaryn joǵaltpas úshin, keleshektegi da­mýlary úshin jáne osyndaı kóp jıylǵan astyqtan tıisti qara­jatyn tabý úshin bul mol as­tyqty saqtaý, der kezinde eks­portqa shyǵarý óte mańyzdy. Aǵymdaǵy ekinshi úlken másele – halyq sharýashylyǵynyń, bar­lyq óńirlerdiń qysqa daıyn­dy­ǵy. Bul – óte mańyzdy. Úshinshisi – elimiz Táýelsizdiginiń 20 jyl­dy­ǵyn laıyqty qarsy alýǵa daı­yndyq jasaý. Men kóp oblysty aralap, soltústik, batys oblys­tarda boldym, tapsyrmalardyń oryndalyp jatqanyna qyzy­ǵý­shylyq tanyttym, árbir qala, ár­bir eldi meken, árbir aýyl osyny sezinýi tıis, bul bizdiń baǵdar­la­malarymyzda kórinis tapqan. Ási­rese, bular – jumyspen qam­tý, aýyz sýmen qamtamasyz etý jáne turǵyn úı-kommýnaldyq sharýashylyq kesheni jónindegi baǵdarlamalar. Bul baǵdarla­ma­lar árbir adamǵa, qarapaıym adam­dardyń múddesine qatysty, sondyqtan tıisti jumystardy anaǵurlym qarqyndy júrgizýleri úshin muny qadaǵalap otyrý qa­jet. Ol ister atqarylýda, men buǵan kóz jetkizdim. Qazir bizde barlyq baǵdarlama ázirlengen: biz­de ındýstrııalyq baǵdarlama bar, bizde agrarlyq keshendi da­mytý baǵdarlamasy da bar, áleýmettik máseleler boıynsha baǵdarlamalar bar, medısınany damytý, densaýlyq saqtaý salasy jumys isteýde, adamdardy ju­mys­pen qamtamasyz etý, turǵyn úı-kommýnaldyq sharýashylyq ke­sheni, aýyz sý máselesi qolǵa alynǵan. Barlyq baǵdarlama ázir­lendi, qarajat bólindi, endigi másele ekonomıkany damytýǵa, adamdardyń ómir súrý deńgeıin jaqsartýǵa baǵyttalǵan osy baǵ­darlamalardyń oryndalýyna ba­qylaý jasaý qajettiginde. Son­dyq­tan qazir Úkimet jumysy osyǵan jumyldyrylýy tıis, dep atap ótti Memleket basshysy.