Aýdan aktıvine aýdannyń jańa basshysyn oblys ákiminiń birinshi orynbasary Darhan Satybaldy tanystyrdy, dep habarlaıdy oblys ákimdiginiń baspasóz qyzmeti.
S.Polatov 1959 jyly týylǵan, bilimi joǵary, mamandyǵy boıynsha biliktiligi – ınjener-metallýrg, ekonomıst.
Eńbek jolyn 1982 jyly Mankentjıvmash zaýytynyń ınjener-tehnology bolyp bastaǵan. 1983-2005 jyldary Shymkent qorǵasyn zaýytynyń balqytýshysy, aǵa masteri, «Shymkent qorǵasyn zaýyty» AQ basqarma bastyǵynyń orynbasary, atqarýshy dırektorynyń kommersııa boıynsha orynbasary, «Iýjpolımetall» JAQ dırektorynyń orynbasary bolyp eńbek etken. 2005-2016 jyldary Ońtústik Qazaqstan oblysy jumyldyrý daıyndyǵy, azamattyq qorǵanys, avarııalar men dúleı apattardyń aldyn alýdy jáne joıýdy uıymdastyrý basqarmasy bastyǵynyń orynbasary, Shymkent qalasy ákiminiń orynbasary, Otyrar aýdanynyń ákimi, Ońtústik Qazaqstan oblysy ákiminiń keńesshisi laýazymdaryn atqarǵan.
2016 jyldyń sáýir aıynan bastap Ońtústik Qazaqstan oblysy qurylys basqarmasynyń basshysy bolyp qyzmet etip keldi.
