Sınoptıkterdiń boljamy boıynsha, kúndiz jańbyr jaýady, keı jerlerde qatty jel soǵady dep kútiledi. Kún raıynyń buzylýyna baılanysty vedomstvo mamandary turǵyndardy birqatar saqtyq sharalaryn ustanýǵa shaqyrady. Ekpini kúshti jel soqqanda úıdegi nemese páterdegi terezerlerdi myqtap jabý kerek. Terezemen qorshalmaǵan, ashyq balkondar men lodjııalarda qatty jelden syrtqa ushatyn barlyq zattardy alyp tastaý qajet ekenin aıtady TJ ókilderi.
Sonymen qatar, mamandar turǵyndar men qala qonaqtaryna jel kóterilgende dalada jarnama qurylǵylary men ózge de ilinetin konstrýksııalardan, elektr jelilelerinen, aǵashtardan alys turýǵa keńes beredi. Qaıǵyly jaǵdaıǵa dýshar bomas úshin barynsha saq bolýǵa shaqyrady. Úzilgen symdarǵa,teńselip turǵan aǵashtardan alys qashyqtyqta bolý qajet.
Kúshti jel soqqanda qala turǵyndary jaqyn mańdaǵy ǵımarattardy panalaýy qajet (bul - dúken, kitaphana, saýda úıi, úı podezi, kınoteatr bolýy múmkin).
Sondaı-aq mamandar turǵyndardy úlken aǵashtardyń astynda turmaýǵa, ásirese terek aǵashyn yqtamaýdy, olardyń astyna kólik qoımaýǵa keńes beredi. Sebebi aǵash qulaıdy nemese butalary synyp, qaýip tóndiredi. Shirigen, kóp jyl turǵan taldardan da alshaq júrý qajettigin eskertedi. TJD mamandary tótenshe jaǵdaı týyndasa, "112" telefonyna qońyraý shalyp, jedel qyzmetke habarlasýdy suraıdy.
