«Elimiz sheteldik seriktestermen saýda-ekonomıkalyq, ınvestısııalyq yntymaqtastyqqa basa nazar aýdarýda. Qazaqstanda bızneske qolaıly jaǵdaı jasaý úshin júıeli is-sharalar atqarylyp keledi. Investorlarǵa túrli jeńildikter qarastyrylǵan. Sondyqtan, óz elderińizdegi bıznesmenderge Qazaqstanǵa kelip, jumys isteý qolaıly ári paıdaly ekenin túsindirersizder dep oılaımyn. Olar úshin «Bir tereze» qaǵıdaty boıynsha qyzmet kórsetiledi.
Buǵan qosa, ınvestorlarmen jumys isteıtin «Qazaqınvest» degen ulttyq kompanııa quryldy. Sonymen qatar, «Qazaqeksport» atty ulttyq kompanııa eksportqa shyǵatyn ulttyq taýarlardy qoldaıtyn bolady. Bizdiń elimiz arqyly Azııa men Eýropany jalǵaıtyn tóte joldar, avtokólik, temir joldary ótedi. Bul oraıda, Qazaqstan úlken tranzıttik memleket bolǵaly tur. «Nurly jol» baǵdarlamasy, ınfraqurylym mine, osyǵan baǵyttalǵan. Bizdiń osy bastamamyz Eýrazııa keńistigindegi basqa ınfraqurylymdyq ushtasyp jatyr. Ol ortaq kontınentimizdegi ózara yqpaldastyqty odan ári damytýǵa baǵyttalǵan. Qazir Qazaqstanda ındýstrııalyq-ınnovasııalyq damý baǵdarlamasy alynyp, aýqymdy jekeshelendirý naýqany júrip jatyr. Sizderdiń elderińizdiń kásipkerleri osyndaı mańyzdy jobalarymyzǵa atsalysady dep oılaımyz. Mysaly, Tynyq muhıttyń jaǵasyndaǵy Lıanıýngan portynan shyǵatyn konteınerler Qytaı-Qazaqstan- Reseı arqyly Eýropaǵa 15 táýlikte jetedi. Ol boıynsha qazirdiń ózinde 1200 konteıner júrip jatyr. 2020 jylǵa deıin budan 2 jarym ese ósedi dep biz josparlap otyrmyz», – dedi Nursultan Ábishuly.
Láıla EDILQYZY,
«Egemen Qazaqstan»
