О́zbekstan bıliginiń aıtýynsha, bul oıyndar qatygezdikti, pornografııany nasıhattap, qaýipsizdikke, áleýmettik jáne saıası turaqtylyqqa qaýip tóndirip, azamattyq beıbitshilik pen dinaralyq baılanysty buzýy múmkin. Úkimet músheleriniń aıtýynsha, bul oıyndar О́zbekstan týraly jalǵan aqparat taratyp, onyń tarıhı, mádenı, rýhanı qundylyqtaryn burmalap kórsetedi.
О́zbekstannyń áleýmettik jelilerinde bul sheshimge qatysty ártúrli pikir jazyldy. Kópshiligi memlekette odan da mańyzdy ekonomıkalyq, áleýmettik problemalar kóp ekenin aıtyp, bar kúshti solardy sheshýge jumsaý kerektigin aıtýda. Sonymen qatar oıyndar jastarǵa keri áserin tıgizedi degen oımen kelisetinder de tabyldy.
Bir aıta keterligi, tyıym salynǵan oıyndardyń kópshiligi ınternet-kafelerde onlaın túrde qoljetimdi. Sondaı-aq naryqta olardyń pıratty kóshirmeleri de keń tarap ketken.
