«Barys» hokkeı klýbynyń basshylyǵy men bapkerler quramy Bochenskıge karerasyn ary qaraı jalǵastyrýǵa, klýb sapynda taǵy biraz jyl oınaýǵa shaqyrǵan. Biraq, ol budan bylaı otbasyna kóńil bólýdi jón sanaǵan. Hokkeıshi klýb ujymyna jáne jankúıerlerge alǵysyn bildirip, Astanany saǵynatynyn aıtty.
«Barys» sapynda ótkizgen jeti jylymdy jáne Astanany saǵynatyn bolamyn. Qazaqstanda ótkizgen kareram men ómirimniń eń qyzyqty sátterin eshqashan umytpaımyn» deıdi Brendon Bochenskı.
Aıta keteıik, Brendon Bochenskı «Barys» sapyna 2010 jyly AQSh-tyń «Tampa Beı Laıtnıng» klýbynan kelip qosylǵan bolatyn. Jeti jyl ishinde ol Qurlyqtyq hokkeı lıgasynda (QHL) 399 match ótkizip, 397 (160+237) upaı jınaǵan. Bul nátıje oǵan QHL tarıhyndaǵy sheteldik eń úzdik shabýylshy atanǵan.
Qazaqstan jáne AQSh azamattyǵy bar Brendon Bochenskı 1982 jyly AQSh-tyń Mınnesota shtatynyń Bleın qalasynda týǵan. Sporttyq karerasyn týǵan qalasynda (Bleın) bastaǵan. 2014 jyly Qazaqstan azamattyǵyn alǵan Bochenskı 2016 jyly Reseıde ótken hokkeıden álem chempıonatyna Qazaqstan Ulttyq quramasy sapynda qatysqan.
Brendon 2014 jyldan beri Qazaqstan Ulttyq quramasy sapynda 15 match ótkizip, 12 (5+7) upaı jınaǵan.
