Keshe Qaırat Mámıdiń tóraǵalyq etýimen Parlament Senatynyń bıýro otyrysynda 29 qyrkúıekte bolatyn palatanyń kezekti jalpy otyrysynyń kún tártibi boıynsha usynystar talqylandy, dep habarlady Parlament Senatynyń baspasóz qyzmeti.
Taıaýdaǵy otyrysta «Neke (erli-zaıyptylyq) jáne otbasy týraly» kodekstiń jobasy birinshi oqylymda talqylanatyn boldy. Sondaı-aq birinshi oqylymda «Qazaqstan Respýblıkasynyń keıbir zańnamalyq aktilerine uıymdasqan qylmysqa qarsy is-qımyl máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine ekologııalyq máseleler boıynsha ózgerister men tolyqtyrýlar engizý týraly» zań jobalary qaralady.
Odan basqa depýtattar talqysyna «Dinı qyzmet pen dinı birlestikter týraly» zań jobasy usynylady, al «Qazaqstan Respýblıkasynyń keıbir zańnamalyq aktilerine dinı qyzmet jáne dinı birlestikter máseleleri boıynsha ózgerister men tolyqtyrýlar engizý týraly» zań jobasy birinshi oqylymda qaralady.