«Salamatty Qazaqstan» medısınalyq poıyzy óz jumysyn 2017 jyldyń 1 maýsymynan bastap Shyǵys Qazaqstan oblysynyń Novoýstkamenogorsk stansııasynda jalǵastyratyn bolady. 2017 jylǵy 6 qarashaǵa deıingi ýaqytta «Salamatty Qazaqstan» dárigerleri Shyǵys Qazaqstan, Pavlodar, Aqmola, Qostanaı, Aqtóbe, Batys Qazaqstan oblystaryndaǵy 97 stansııany qamtıdy dep josparlanýda.
Búgin «Densaýlyq» medısınalyq poıyzynyń dárigerleri qabyldaýdy Atyraý oblysynyń Naryn stansııasynan bastap jalǵastyrady. Bekitilgen kestege sáıkes aǵymdaǵy jylǵy 21 jeltoqsanǵa deıingi ýaqytta Atyraý, Qyzylorda, Ońtústik Qazaqstan,Jambyl, Almaty oblystarynyń 113 stansııasyn qamtıdy dep josparlanýda.
2010 jyly jumysyn bastaǵan medısınalyq poıyzdar medısınalyq kómek damymaǵan shaǵyn stansııalar men jol aıryqtaryna jaqyn ornalasqan eldi mekenderdiń azamattaryna dástúrli túrde qyzmet kórsetedi. Medısınalyq poıyzdarda oblystyq kólemdegi klınıkalar deńgeıindegi joǵary bilikti medısınalyq kómek kórsetiledi. Poıyzdardaǵy medısınalyq qyzmetkerler stansııadan ondaǵan shaqyrym jerde tósek tartyp jatqan pasıentterge qajetti medısınalyq kómek kórsetýge birneshe ret shyqqan.
Poıyzdar barlyq qajetti dıagnostıkalyq apparatýralarmen jáne QR IIM TJ komıtetiniń «Apattar medısınasy temir jol gospıtaldary» AQ-nyń 18-den astam dáriger mamandyǵy boıynsha joǵary bilikti medısınalyq kadrlarmen jabydyqtalǵan. Medısınalyq poıyzdarda TMD jáne alys shet elderdiń, respýblıkamyzdyń jetekshi ǵylymı medısınalyq ortalyqtary on-line rejımde shalǵaı eldi mekenderdegi naýqastardy emdeý barysynda keńes berýge múmkindik beretin alǵash telemedısınalyq qondyrǵy, ınternet jáne telefonııa arnasy ornatyldy.
Dıagnostıkalyq tekserýdiń keshendi jáne shaǵyn júıesi kúnine úsh júz adamǵa deıin joǵary «ótkizý qabiletin» jáne dıagnostıkanyń joǵary sapasyn qamtamasyz etedi.
Poıyzdar stansııada bolǵan ýaqyt ishinde qaralýǵa kelgen halyqqa medısınalyq kómek tegin kórsetiletini úlkken ról atqarady. Aýyl turǵyndaryna tegin medısınalyq kómektiń kepildi kólem tizbesine kirmeıtin stamotologııalyq kómek te tegin kórsetiledi.
2017 jylǵy 12 sáýirden 29 mamyrǵa deıingi aralyqtaǵy 47 kúnde respýblıkamyzdyń Qaraǵandy, Mańǵystaý, Shyǵys Qazaqstan jáne Atyraý oblystaryndaǵy 51 stansııanyń turǵyndary qaraldy, 14 400 adam, onyń ishinde 2 992 bala tekserýden ótti. Dárigerge qaralǵan adamdardyń sany 73 709-dy qurady. 63 216 dıagnostıkalyq emshara ótkizilip, 300 shaǵyn ambýlatorııalyq ota jasaldy. 824 áıel adam mammologtarǵa qaraldy. 3 709 turǵynǵa stamotologııalyq kómek kórsetildi.
«Salamatty Qazaqstan» medısınalyq poıyzy Memleket basshysynyń kólik medısınasyn damytý atty negizgi basymdyqtaryn iske asyrý maqsatynda QR IIM Tótenshe jaǵdaılar komıtetiniń «Apattar medısınasy temir jol ortalyǵy» AQ-nyń «Qazaqstan temir joly» UK» AQ men Qazaqstan Respýblıkasynyń Densaýlyq saqtaý jáne áleýmettik damý mınıstrligimen birigip iske qosqan úsh medısınalyq poıyzdyń biri bolyp tabylatynyn atap ótken jón.
2010 jyly «Densaýlyq» poıyzy «2010 jylǵy №1 jyldyń áleýmettik jaýapty jobasy» nomınasııasy boıynsha «Jyl tańdaýy - 2010» Ulttyq baıqaýynda jáne «Jyldyń úzdik áleýmettik jobasy» nomınasııasy boıynsha Bıznestiń áleýmettik jaýapkershiligi jónindegi «Paryz» baıqaýynyń júldeger atanyp qoǵamdyq joǵary baǵaǵa ıe boldy.
2010-2016 jyldar aralyǵynda «Densaýlyq», «Járdem» jáne «Salamatty Qazaqstan» úsh konsýltatıvtik-dıagnostıkalyq poıyzy 1 451 kún ishinde 151 054,5 shaqyrym jol júrip, respýblıkamyzdaǵy barlyq oblystar 1 074 stansııasynyń turǵyndary qaraldy.
304667 turǵyn, onyń ishinde 72 600 bala poıyz mamandarynyń tekserýinen ótti. Dárigerge qaralǵandardyń sany 2 027 722-ni qurady. 1 282 618 dıagnostıkalyq emshara ótkizildi (278 414 ishki aǵzany ýltradybystyq zertteý, 4 058 spırografııa, 56 862 mıdy elektroensefalografııalyq jáne ýltra dybystyq doplerografııalyq zertteýler, 105 968 elektrokardıografııalyq zertteýler, 63 781 kóz ishiniń qan qysymyn ólsheý, 70 356 rentgenologııalyq zertteýler, 20 733 ezofagogastrodýodenoskopııa, 682 446 klınıkalyq-bıohımııalyq taldamalar), 3 790 shaǵyn ambýlatorııalyq ota jasaldy, 21 telemedısınalyq konsýltasııa berildi. 45774 áıel adam mammologtarǵa qaraldy. 74761 turǵynǵa stamotologııalyq kómek kórsetildi.
Medısınalyq poıyzdar jumysynyń joǵary sapaly jáne qalyptasqan júıesi adamnyń ózi bile bermeıtin aýrý túrin anyqtaýǵa múmkindik beredi.
«Densaýlyq poıyzy» jobasy shalǵaı jatqan eldi mekenderdiń turǵyndaryna sapaly medısınalyq kómektiń joǵary standarttaryn jetkizýge múmkindik beredi.
