Qazaq fızıologtarynyń VII sezi ótti

«Zamanaýı fızıologııa: kletka­lyq-molekýlalyqtan ıntegratıvtik negizde densaýlyqpen uzaq jasaý» atty taqyrypta úsh kúnge so­zyl­ǵan alqaly jıyn akademıkter N.Bazanova men F.Muhamed­ǵa­lıevtyń 100 jyldyq mereıtoılary qur­metine arnaldy. Sezd jumysyna Reseı, Izraıl, Mońǵolııa, Qyrǵyzstannan kelgen ǵalymdar qatysty. Jıynnyń ashylý saltanatynda Qazaq fızıologııa qo­ǵamy­nyń tóraǵasy K.Táshenov, QazUAÝ rektory T.Espolov sóz sóılep, Qazaq­standaǵy fızıologııa salasynda at­qaryl­ǵan jumystar men búgingi ahýa­ly­na, qos ǵalymnyń otandyq ǵylym­daǵy alar ornyna toqtalyp, sezd ju­my­syna sáttilik tiledi. Aldymen N.Ba­zanovanyń Qazaqstandaǵy fızıologııa ǵylymynyń negizin qalaý men damytýdaǵy róli jaıynda Bilim jáne ǵylym mınıstrligi Ǵylym komıtetiniń Adam jáne janýarlar fızıologııa ınstıtýtynyń bas dırektory E.Ma­qashev mazmundy baıandama jasady. Budan keıin ataqty aka­demıkterdiń ómiri men ǵylym jolyn­daǵy eńbek­te­rin baıandaıtyn fılm kórsetilip, áriptesteri estelikter aıtty. Sezdiń ekinshi kúni Izraılden kelgen ǵalym M.Danılenko, sol sııaqty Sankt-Peterbýrgten kelgen ǵalym Iý.Moskalenko kún tártibindegi máse­leler boıynsha oı-tolǵamdaryn ortaǵa saldy. Odan keıin sezge qatysýshylar 7 seksııa boıynsha jumys júrgizip, kelesi kúni plenarlyq májiliste sezd jumysy qortyndylandy. Gúlzeınep SÁDIRQYZY.