Zamanaýı termınal iske qosyldy

Paıdalanýǵa berilgen nysan tórt deńgeıden turady. Onyń úsheýi ha­lyq­aralyq reısterge arnal­sa, tórtinshisi halyqaralyq jáne ishki reıster jolaýshylarynyń aıma­ǵyna bólingen. Onda jolaýshylardy tirkeıtin 26 birdeı oryn jáne tól­qujat tekseretin 42 kabına orna­tylǵan. Ádette jolaýshylar uzyn-sonar kezekke turyp, sol jerden otyr­ǵyzý talondaryn alyp, júkterin tap­syryp jatady. 
Oǵan qosa, tirkeýden ótý úshin  kem degende bir saǵat buryn kelý kerek-tin. Endi jańa ǵımaratta ornalasqan avtomatty termınaldar arqyly otyrǵyzý talondaryn qolma-qol alýǵa bolady. Ol qyzmet túri júkteri az jolaýshylar úshin asa tıimdi. Tólqujat pen bılet nómirin engizgennen keıin tirkeýdiń kezegine turmaı-aq, ári qaraı óte beredi. Buryn qyzmettiń bul túrin tek «Eır Astananyń» jolaýshylary ǵana qoldanatyn. Budan bylaı kez kelgen áýe kompanııasynyń klıentteri paıdalana alady. 
Shara barysynda bilge­ni­mizdeı, jańa júıeniń arqasynda qol júk­ter­diń 1200 danasyn bir saǵattyń ishinde ótkizýge bolady. Júkterdi ótkizý júıesiniń basty ereksheligi sol, qandaı da bir qaýipti júkter bol­sa, ol avtomatty túrde basqa jolaq­qa aýysady da, qaýipsiz aımaqqa shyǵa­rylady. Zaman talabyna saı ozyq tex­nologııalarmen jabdyqtalǵan jańa termınal kóp júkteri joq jolaý­shylarǵa, tipti tıimdi. Olar otyr­ǵyzý talonyn almaı-aq, uıaly tele­fon­nyń kómegimen tólqujatty tekserý aımaǵyna óte alady. Osy­laı­sha, tir­keýge ketetin ýaqyt­ty bir­shama únem­deý­lerine múm­kindik bar. 
Mamandar jańa texno­lo­gııanyń taǵy bir túri – shtrıx-kod arqyly tirkeýden ótý qyz­meti ekenin aıtady. Buǵan talon alýdyń qajeti joq eken. Asy­ǵyp turǵan jolaýshy ınternet arqyly bılet satyp alyp, tir­keýden ótse bolǵany, áýe kompa­nııasy oǵan otyrǵyzý talonyn ji­beredi. Talonda shtrıx-kod bar. Mine, sol belgimen jolaýshy esh kedergisiz baqylaýdyń kele­si kezeńine óte alady.  
Ekinshi qabatta tolyǵymen dám­xa­nalar men meıramxanalar oryn tebedi. VIP-aımaqta dáret­xa­nalarmen birge, dýsh ta bar. Ter­mınaldyń jalpy aýdany 47 myń sharshy metrdi quraı­dy. Ekin­shi nysanmen ulǵaıǵan As­ta­na áýejaıynyń jańasy «T1» dep bel­gilense, eski ǵımarat «T2» dep atalmaq. 
Aıta keterligi, áýejaıdyń jańa termınaly reısterge qyz­met kórsetý jumysyn bes-alty kúnnen keıin bastaıdy. Es­ki ǵımarattan ishki reıs­ter ushyrylsa, jańa termınal xa­­lyq­aralyq reısterge qyzmet kór­set­pek. Jańa nysan jy­lyna 5 mln jo­laýshyny qabyl­dasa, eski ǵıma­ratpen birge bul kórsetkishti 8,2 mln jolaýshyǵa deıin jetkizýge múmkindik bar. Josparǵa sáıkes, EKSPO-2017 kór­mesi aıasynda Astana áýejaıy ar­qyly ótetin ishki jáne syrtqy reıs­terdiń sany artady.

Ashat Raıqul,
«Egemen Qazaqstan»