XXI ǵasyrda ulttyq qundylyqtardy saqtaý, ulttyq sanany óristetý kún tártibinen túspeıtin másele ekeni aıqyn. Álemdegi 30 eldiń qataryna kirý úshin maqsatymyz aıqyn, isimiz ónimdi, josparymyz júıeli bolýy tıis. Biz Qazaq eliniń rýhanı jańǵyrýy ulttyń birligi men tutastyǵynan bastaý alady dep uǵynamyz. Ulttyq kodty saqtaý – halqymyzdyń boıyna sińgen ulttyq qundylyǵyn, ana sútimen, áke qanymen daryǵan nárli tamyrymyzdan ajyramas bir belgisi.
Básekelestik qabilet, pragmatızm, ulttyq biregeılikti saqtaý, bilimniń saltanat qurýy, Qazaqstannyń revolıýsııalyq emes, evolıýsııalyq damýy, sananyń ashyqtyǵy taqyryptary jáne taıaý jyldarda alǵa qoıatyn maqsattar men mindetter keńinen aıtylǵan.Bul kóterilgen máseleniń barlyǵyn ózekti, qoǵamnyń erekshe yqylasyna bólengen baǵdarlamalar sanatyna qosar edim.
«Bolashaqqa baǵdar: rýhanı jańǵyrý» maqalasyn oqı otyryp, ulttyq biregeılikti saqtaý tarmaǵy kópshiliktiń kókeıindegini dóp basqan tujyrym. Elbasymyz N.Á.Nazarbaev: «Salt-dástúr, til, mýzyka, ádebıet, joralǵylar, ulttyq rýhymyz boıymyzda máńgi qalý kerek», degendi aıtty.
Sonymen qatar, «Jańa gýmanıtarlyq bilim.Qazaq tilindegi 100 jańa oqýlyq» jobasy boıynsha dúnıejúzilik ár túrli tilderden qazaq tiline aýdarylǵan kitaptardy qoldanysqa engizý máselesin zor qýanyshpen qabyldadym. Qolyma qalam ustap, ádebı eńbekter, maqalalar jazyp júrgen ózime úlken serpilis syılady. Álemdik eńbekterdi meniń zamandastarym 2018-2019 oqý jyldary qazaq tilinde oqıtyn bolady. Bul – ulttyq biregeılikti saqtaýdyń bólshegi dep uǵynýymyz qajet.
«Týǵan jer» baǵdarlamasy da – otansúıgishtiktiń ózegi. Parasat-paıymy joǵary perzenttiń atamekeniniń qalyptasýyna, aýylynyń gúldenýine, ińkár sezimmen qaraýyna serpin beretin baǵdarlama bolaryna senimim mol.
Ádilbek О́MIRZAQOV,
H.Dosmuhamedov atyndaǵy
Atyraý memlekettik ýnıversıtetiniń stýdenti
