Yrys qonǵan áýletti dáripteý – paryz

Baıqaýdy qorytyndylaý keshinde oblys ákiminiń orynbasary Álibek Náýtıev «Uıada ne kórseń, ushqanda sony ilersiń» deı­di halyq danalyǵy. Tárbıeniń bári otbasy­nan bastalady. Elbasy «Bolashaqqa baǵdar: rýhanı jańǵyrý» maqalasynda ulttyq qundy­lyq­tardy sanaǵa sińirý qajettigin aıtty. Otbasy qundylyǵyn arttyrý maqsatynda qolǵa alynyp jatqan sharalar kóp. Bul baı­qaý da otbasy ınstıtýtyn nyǵaıtýǵa, bere­keli de ba­qyt­ty shańyraqtardy kópshilikke nası­hat­taýǵa arnalǵan», dedi. Oblystyq ishki saıasat basqarmasy basshysynyń mindetin atqarýshy Zylıha Talasbekovanyń aıtýynsha, baıqaý­ǵa qatysýǵa  oblys boıynsha 97 otbasy ótinish bildirgen. Sonyń ishinde jetistikterimen dara­lanǵan jeti otbasy oblystyq kezeńniń júldegerleri atandy. Al respýblıkalyq baı­qaýǵa Atyraýdyń atynan eki otbasy barady. Biri – jylyoılyq Asabaevtar áýleti. Kisenbaı Asabaev –Atyraý oblysynyń qurmetti azamaty. Uzaq jyldar boıy shopan bolǵan ol ata taıaǵyn urpaqtaryna tabystaǵan. Seksenniń seńgirine shyqqan qarııanyń qol jetkizgen tabystary az emes, Sosıalıstik Eńbek Eri, eki márte Eńbek Qyzyl Tý, «Lenın» ordenderimen jáne birneshe medaldarmen marapattalǵan. Qazaq KSR Memlekettik syılyǵynyń laýreaty, Qazaq KSR eńbek sińirgen aýylsharýashylyq qyzmetkeri, Qazaq KSR Joǵarǵy keńesiniń depýtaty, «Aýyl sharýashylyǵy salasynyń úzdigi» tósbelgisiniń ıegeri. Osyndaı ulaǵatty jannan tárbıe alǵan urpaqtary da elge eńbek sińirip júr. Qazir jeke sharýa qojalyqtary bar. Jubaıy Dámetken Asabaeva – «Altyn alqaly» ana. 11 perzent súıgen olar 41 nemere men 26 shóbereniń qyzyǵyna kenelip otyr. 
Ekinshi otbasy – ısataılyq Jumaǵazıev­ter­diń áýleti. Zakarııa Jumaǵazıev ǵumyryn ustaz­dyq qyzmetke arnaǵan jan. «Eren eńbegi úshin», «Qazaq KSR-niń halyq aǵartý isiniń úzdigi», «Aǵa muǵalim»  degen marapattary bar. Otanasy Totanmen 14 ul-qyz tárbıelegen. Olar­dan órbigen 51 nemere men 14 shóbere –shańy­raq­tyń shattyǵy. 23 muǵalim shyqqan bul otbasyn el ustazdar áýleti retinde jaqsy biledi. 
Júldeli ekinshi oryndy atyraýlyq Áji­ǵalıevter men mahambettik Qýanyshevtar enshi­ledi. Jylyoı aýdanynan kelgen Shar­­ǵa­baevtar, ma­qatt­yq Orazálıevter men qy­zyl­qoǵa­lyq Ima­shev­tar úshinshi orynǵa ıe bol­dy. Ob­lys­tyq kezeńge qatysqan Dostanovtar (Aty­raý), Azanov­tar (Inder), Ǵıbatýllınder (Isa­taı), Ha­­resovter (Qurmanǵazy), Erekenov­ter (Qyzyl­qoǵa), Muhanǵalıevter (Maqat), Qanatovtar (Mahambet) Alǵys hattarmen marapattaldy. 
О́negeli ómirleri kópke úlgi otbasylar qazaq jeriniń qaı qıyrynda da kezdesedi. Olar­dyń baqyt jaıly tujyrymdaryn syılas­tyq, bereke men birlik degen qasıetti sózder  anyqtaıdy. Yrysy men yntymaǵy uıy­ǵan áýletterdi el aldyna shyǵaryp, dáripteý kezek kúttirmeıtin is. «Mereıli otbasy» Ultt­yq baıqaýynyń bas­ty maqsaty da – osy. 

Baqytgúl Babash,
«Egemen Qazaqstan»

Atyraý

Sýretti túsirgen
Raqym Qoılybaev