Qınalǵanda qolushyn berdi

Men ór Altaıdaǵy О́skemen aımaǵynyń turǵynymyn. Osydan eki jyl buryn sútteı uıyp otyrǵan qyzymnyń otbasyna qıyn kúnder týdy. Qyzym qatty naýqastanyp aýrýhanaǵa tústi, áli de em alý ústinde. Ol azdaı, kúıeý balam týberkýlezge shaldyǵyp, ol da aýrýhanadan bir-aq shyqty. Bastarynda baspana joq, aılyq tabysyn (balalarǵa tıesili járdemaqy 22 000, qyzymnyń II toptaǵy múgedektik zeınetaqysy 17 000 teńge) qosqanda, barlyǵy 39 000 teńgeni quraıtyn otbasy úshin ol jetkiliksiz, aýyr jaǵdaı. Onyń ústine kúıeý balam naýqasyna qaraı esepke alynyp, eńbekke jaramsyz bolyp tabylǵanmen, Úkimet múgedektigine oraı járdem bermedi. Al bıyl sol qyzymnyń alty balasynyń beseýi birdeı mektepke bararda qınalǵanymyz-aı! Ne isteımin, ózimniń bir kózim kemtar, esh jerde jumys istemeımin. Qolymda anam turady. Egde jastamyn. Ishten shyqqan sharanam emes pe, qyzymnyń balalaryna men qaramaǵanda, kim qaraıdy? Kómek surap, tentirep kete jazdadym. Nede bolsa kórgeli О́skemen ortalyq meshitine bardym. Nurlan qajy Baıjigituly degen ımamǵa jaǵdaıymdy aıttym. Ol «ınshalla, birer kúnde kómek alasyz» dedi. Qýanyp qaldym. Shyǵyp kele jatqanda qoldaryna qujattaryn ustap, járdem suraǵan qanshama qamkóńil jandy kórdim. Allanyń nury jaýǵyr,  aıtqanyndaı, ımamnan bastap meshit qyzmetkerleri jaǵdaıyma úlken túsinistikpen qarady. Nemerelerimniń zárý kıim túrlerin tegis alyp berip, el qatarly mektep tabaldyryǵyn attaýyna yqpaldaryn tıgizdi. Al osyndaı ıgi isterge uıytqy bolyp, Alla jolynda adal qyzmet etip júrgen azamattarǵa sizderdiń gazet arqyly analyq alǵysymdy bildirgim keledi. Bizdiń О́skemen meshitiniń ımamy Nurlan Baıjigituly! Bizdiń Shyǵys jerine basqan qadamyńyz qutty bolyp, eńbegińiz jana bersin! Biz sııaqty qıyn-qystaýda júrgen jandarǵa qol ushyn berip, árdaıym analardyń batalaryna kenele ber deımin. Gúlbarshyn QALIQANQYZY. Shyǵys Qazaqstan oblysy, Ulan aýdany, Jeldiózek aýyly.