QR Investısııalar jáne damý mınıstri Jeńis Qasymbektiń aıtýynsha, qazir bul problemalar sheshilgen. Endi jyl sońyna deıin jol qurylys kompanııasy tańdalyp alynady.
Almaty úlken aınalma avtojoly máselesin depýtattar Senat otyrysynda kóterdi. Aqan Bıjanov osy jobanyń qurylysy ne bolyp jatqany týraly saýal qoıǵan.
«Biz bul jobany memlekettik-jeke menshik áriptestiktiń eń birinshi jobasy retinde iske asyrýdy josparlaǵan edik. Joldyń uzyndyǵy 60 shaqyrymnan asady. Bul joba qalanyń kólik júıesin birshama jeńildetpek. 2009-2010 jyldary osy jobany endi qolǵa ala bastaǵan kezde jerdiń baǵasy óte qymbat bolǵan edi. Sol úshin joba toqtatylyp tastalǵan. Odan keıin jer baǵasy quldyraǵan kezde ákimdik menshik ıelerimen kelisip, jerdi 8 ese arzanǵa ala aldy» dedi depýtat suraǵany jaýap bergen Jeńis Qasymbek.
Jol salý úshin QR-nyń «Konsessııalar týraly» Zańyna ózgerister engizilip, 2015 jyldyń sońy men 2016 jyldyń basynda konsessıonerdi anyqtaý týraly baıqaý prosedýralary bastaldy. QR IDM josparynsha, jol salýshy kompanııa, ıaǵnı konsessıoner joldy aldaǵy 20 jylda aqyly negizde salyp, onyń shyǵynyn aqtap alýy kerek.
Mınıstrdiń málimetinshe, búginde kelissózderdiń jetinshi raýndynyń nátıjesi boıynsha, úmitker 10 kompanııanyń ishinen 3-eýi qalǵan.
«Biz osy jumystardy bastaǵan kezde teńge baǵamy ózgerip ketti. Osynyń kesirinen jobanyń qunyn esepteýde belgili bir qıyndyqqa tap boldyq. Úkimet konsessıonerlerdiń usynǵan baǵasyna kelispedi. Qazir biz jobanyń baǵasyn barynsha arzandattyq. Endi eki aıdyń ishinde biz qaı kompanııanyń osy jobamen aınalysatynyn anyqtaıtyn bolamyz» dedi mınıstr.
