Pavılonda «Bolashaqtyń energııasy mýzeıi» ornalasady, onda Qazaqstanmen tanysý aımaǵy bolady, sondaı-aq energııanyń negizgi túrleri usynylady.
Qazaqstan Prezıdentine «Bolashaq Astana – Qazaqstannyń 2050 jylǵy elordasy» ekspozısııasy, ǵarysh energııasy zaly, qazaqstandyq 28 ǵylymı jobany jáne «Jasyl ekonomıka» tujyrymdamasy jónindegi jobalardy qamtıtyn «Jasampaz energııa» aımaǵy, sondaı-aq Qazaqstannyń «Tokamak» materıaltaný termoıadrolyq reaktorynyń modeli, energetıka men qorshaǵan ortany qorǵaý salasyndaǵy Memleket basshysynyń bastamalary kórsetilgen medıaqabyrǵa tanystyryldy.
Sonymen qatar, Nursultan Nazarbaev kórme kesheniniń Kongress-ortalyǵynda bolyp, «Shańyraq», «Aspan» zaldaryn, VIP-terrasany, Konsert zalyn kórdi. Kongress-ortalyq kópfýnksıonaldy mádenı ári oıyn-saýyq ortalyǵy bolyp sanalady. Onda 2 192 orynǵa arnalǵan kórermender zaly jáne 4 konferens-zal bar.
Qazaqstan Prezıdentine kórmeniń ashylý rásimi qalaı ótetini kórsetildi.
