«Egemen Qazaqstan» respýblıkalyq gazeti» aksıonerlik qoǵamy Basqarma tóraǵasynyń orynbasary bolyp Erbolat Qamenov taǵaıyndaldy. Buǵan deıin bul qyzmetti atqarǵan Jandos Bádeluly óz ótinishimen bosatyldy. Jandos Bádelulyna nátıjeli eńbegi úshin "Egemenniń" Qurmet gramotasy jáne eskertkish syılyq tabystaldy.
Sonymen qatar Qazaqstan Ulttyq ǵylym akademııasynyń korrespondent-múshesi bolyp jańa saılanǵan Amantaı Shárip ǵylymı jumystaryn jalǵastyrý týraly ótinishi boıynsha «Egemen Qazaqstan» gazetiniń bas redaktory qyzmetinen bosatyldy. Onyń ornyna bas redaktor bolyp belgili jýrnalıst, gazettiń burynǵy qyzmetkeri Qýat Borash taǵaıyndaldy.
Sondaı-aq Basqarma tóraǵasynyń búgingi sheshimimen basylymnyń Almaty oblysyndaǵy menshikti tilshisi bolyp buǵan deıin Almatydaǵy tilshiler qosynynda jumys istegen Almas Núsip bekitildi
